'హనుమాన్' పై ప్రశాంత్ వర్మ ఆసక్తికర వ్యాఖ్యలు

యువ దర్శకుడు ప్రశాంత్ వర్మ దర్శకత్వం వహించిన భారతీయ సూపర్ హీరో చిత్రం 'హనుమాన్' లో తేజ సజ్జ ప్రధా పాత్రలో కనిపించనున్నాడు. ఈ సినిమాలో తేజకు జోడీగా అమృత అయ్యర్ జోడిగా నటిస్తోంది. తాజాగా ఈ సినిమా నుంచి ఆవకాయ ఆంజనేయ అనే సాంగ్ ని మూవీ మేకర్స్ లాంచ్ చేశారు. ఈ పాట ఆవిష్కరణ కార్యక్రమంలో దర్శకుడు ప్రశాంత్ వర్మ ఆసక్తికర వ్యాఖ్యలు చేశారు. ఆవకాయ ఆంజనేయ పాట చాలా ప్రత్యేకం. ఈ పాటతో ఈ సినిమా షూటింగ్ ప్రారంభించాం. టీజర్‌తో సినిమాకు విపరీతమైన హైప్ వచ్చింది. ఈ సినిమాపై భారీ అంచనాలు నెలకొన్నాయి.

అయితే సినిమా ఎలా ఉంటుంది? ఇది ఏ జానర్‌గా ఉంటుంది? ఇది పూర్తిగా పౌరాణికంగా ఉంటుందా? సినిమాలో హనుమంతుడు ఉంటాడా లేదా? ఆసక్తికరమైన ప్రశ్నలు ఉన్నాయి. అయితే తర్వాత విడుదల చేస్తున్న ప్రమోషనల్ మెటీరియల్‌తో సినిమాలో ఏం జరుగుతుందో చెప్పే ప్రయత్నం చేస్తున్నాం అని ప్రశాంత్ వర్మ అన్నారు.

నేను ఇప్పటివరకు చేసిన సినిమాల్లో హనుమాన్‌ సినిమా చాలా వినోదాత్మకంగా ఉంటుంది. తేజ అద్భుతంగా నటించాడు. చాలా కష్టపడ్డాడు. ఇందులోని ఒక్కో పాట కథను ముందుకు తీసుకెళ్తుంది. ఈ పాటలో మంచి ట్విస్ట్ ఉంది. శివేంద్ర అద్భుతమైన విజువల్స్ ఇచ్చారు. నాగేంద్ర చాలా అద్భుతంగా సెట్ వర్క్ చేసాడు. సాయి అద్భుతంగా ఎడిట్ చేశారు అని ప్రశాంత్ వర్మ అన్నారు.

ఈ పాన్ ఇండియా చిత్రం జనవరి 12, 2024న వెండితెరపైకి రానుంది. అమృత అయ్యర్ ఈ సినిమాలో తేజ సరసన నటిస్తుంది. డాక్టర్, ఓ మై డాగ్ చిత్రాలలో విలన్ పాత్రను పోషించిన వినయ్ రాయ్ ఈ సినిమాలో మైఖేల్ అనే విలన్ పాత్రలో నటిస్తున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.