హాయ్ నాన్న ప్రీ రిలీజ్ ఈవెంట్ : అభిమానులందరి హృదయాలను గెలుచుకున్న నాని
cinema | Suryaa Desk | Published : Thu, Nov 30, 2023, 04:22 PM
నేచురల్ స్టార్ నాని ఈ ఏడాది మొదట్లో విడుదలైన దసరాతో కెరీర్‌లో బిగ్గెస్ట్ హిట్‌ని అందుకున్నాడు. తాజాగా ఇప్పుడు హాయ్ నాన్నా అనే ఎమోషనల్ ఎంటర్‌టైనర్‌తో రాబోతున్నాడు. శౌర్యువ్ దర్శకత్వం వహిస్తున్న ఈ చిత్రంలో నానికి జోడిగా మృణాల్ ఠాకూర్‌ నటిస్తుంది. ఈ సినిమా ప్రీ రిలీజ్ ఈవెంట్ నిన్న వైజాగ్ లో గ్రాండ్ గా జరిగింది. హాయ్ నాన్నా ప్రీ-రిలీజ్ ఈవెంట్ లో యానిమల్, ఎక్స్‌ట్రా ఆర్డినరీ మ్యాన్, సాలార్, డుంకి మరియు బబుల్ గమ్ టీమ్‌లకు నాని తన శుభాకాంక్షలు తెలియజేశాడు.
నాని మాట్లాడుతూ.... మన తెలుగు దర్శకుడు సందీప్ వంగ హిందీ సినిమా తీశారు. నా ప్రియ మిత్రుడు నితిన్ ఎక్స్‌ట్రా ఆర్డినరీ మ్యాన్ డిసెంబర్ 8న విడుదలవుతోంది. ప్రభాస్ అన్న సాలార్ డిసెంబర్ 22న రాబోతోంది. నా అభిమాన దర్శకుడు రాజ్‌కుమార్ హిరానీ డుంకీ డిసెంబర్‌లో విడుదల కానుంది. అందరికీ ఇష్టమైన సుమ గారి కొడుకు బబుల్‌గమ్‌తో పరిచయం అవుతున్నాడు అది కూడా డిసెంబర్‌లో విడుదల కానుంది. ఈ సినిమాలన్నీ బ్లాక్‌బస్టర్స్‌గా నిలుస్తాయని ఆశిస్తున్నాను అన్నారు.
నాని తన ప్రీ-రిలీజ్ ఈవెంట్ నుండి ఇతర చిత్రాలకు శుభాకాంక్షలు చెప్పడం అతను ఎటువంటి ఇగో లేని నటుడని చూపిస్తుంది. జెర్సీ నటుడి ఈ మంచి మాటలకు అందరు హీరోల అభిమానులు ఫిదా అవుతున్నారు.
|
|