'సాలార్' ట్రైలర్ విడుదలకి టైమ్ లాక్
cinema | Suryaa Desk | Published : Thu, Nov 30, 2023, 07:14 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. రేపు (డిసెంబర్ 1) సాలార్ ట్రైలర్‌ను మూవీ మేకర్స్ విడుదల చేయనున్నారు. సాలార్ ట్రైలర్ విడుదలకు కౌంట్‌డౌన్ కావడంతో ట్రైలర్ విడుదల సమయం గురించి సందడి నెలకొంది. లేటెస్ట్ అప్డేట్ ప్రకారం, సాలార్ ట్రైలర్‌ను రాత్రి 7:19 గంటలకు డైరెక్ట్ యూట్యూబ్‌లో విడుదల చేయనున్నట్లు సమాచారం.
సాలార్ థియేట్రికల్ ట్రైలర్ డిసెంబర్ 1న రాత్రి 7:19 గంటలకు విడుదల కానుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|