డిసెంబర్ 21న విడుదలకి సిద్ధమైన ‘డంకీ’
cinema | Suryaa Desk | Published : Thu, Nov 30, 2023, 08:14 PM
షారూక్ ఖాన్, రాజ్ కుమార్ హిరాణి కాంబినేషన్‌లో రూపొందిన భారీ చిత్రం ‘డంకీ’. ఈ సినిమా డిసెంబర్ 21న ప్రపంచ వ్యాప్తంగా గ్రాండ్ రిలీజ్ అవుతుంది. సినిమా విడుద‌ల తేదీ దగ్గర పడుతుండటంతో అభిమానుల్లో ఉత్కంఠత నెలకొన‌గా, డంకీ డ్రాప్ 1 వీడియోతో పాటు డంకీ డ్రాప్ 2 విడుదలైన లుట్ పుట్ గయా.. సాంగ్ అంచనాలను పెంచాయి. ప్రేమ, స్నేహం వంటి ఎమోషనల్ అంశాలతో సినిమా తెరకెక్కింది. ఈ నేపథ్యంలో వందలాది మంది షారూక్ ఖాన్ అభిమానులు డిసెంబర్ నెలలో ఈ సినిమాను తమ మాతృదేశమైన భారత్‌లో చూడటానికి ఇక్కడకు వస్తుండటం విశేషం. ఇప్ప‌టికే డంకీ సినిమాలో టీజ‌ర్‌లోని ఆకట్టుకునే విజువల్స్, భావోద్వేగాలు విదేశాల్లో ఉన్న వారికి తమ దేశంలోని మధుర స్మృతులను గుర్తుకు తెచ్చాయి. దీంతో వారు తమ కుటుంబాలు, సన్నిహితులతో కలిసి ఈ క్రిస్మస్ పండుగ సీజన్‌లో డంకీ సినిమాను చూసి ఆ యూనిక్ ఎక్స్‌పీరియెన్స్‌ని పొందటానికి తహతహ లాడుతున్నారు. ఇలా ప్రపంచం నలు మూలల నుంచి వచ్చిన అభిమానులు తమ అభిమాన కథానాయకుడు నటించిన డంకీ సినిమా గ్లోబల్ సెలబ్రేషన్స్ చేయటానికి సిద్ధంగా ఉన్నారు.
|
|