'హను-మాన్' ట్రైలర్ విడుదలకి తేదీ లాక్
cinema | Suryaa Desk | Published : Tue, Dec 12, 2023, 04:29 PM
యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ఈ పాన్ ఇండియా చిత్రం జనవరి 12, 2024న వెండితెరపైకి రానుంది.
లేటెస్ట్ అప్డేట్ ప్రకారం, డిసెంబర్ 19, 2023న ఈ సినిమా ట్రైలర్ విడుదలవుతుందని మూవీ మేకర్స్ ప్రకటించారు. అంజనాద్రి ఫాంటసీ ప్రపంచాన్ని చూసేందుకు దేశవ్యాప్తంగా ప్రజలు ఆసక్తిగా ఎదురుచూస్తున్నారు. అమృత అయ్యర్ ఈ సినిమాలో తేజ సరసన నటిస్తుంది.
శ్రీమతి చైతన్య సమర్పణలో కె నిరంజన్ రెడ్డి నిర్మించిన ఈ చిత్రంలో వరలక్ష్మి శరత్‌కుమార్, వినయ్ రాయ్, గెటప్ శ్రీను, సత్య, రాజ్ దీపక్ శెట్టి తదితరులు కీలక పాత్రలలో నటించారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|