ఈ నెల 15న విడుదల కానున్న హాలీవుడ్ యాక్ష‌న్ చిత్రం
cinema | Suryaa Desk | Published : Tue, Dec 12, 2023, 04:32 PM
థియేట‌ర్‌, ఓటీటీ ప్రేక్ష‌కుల‌ను అల‌రించ‌డానికి మ‌రో అదిరిపోయే హాలీవుడ్ యాక్ష‌న్ చిత్రం రెబ‌ల్ మూన్ విడుద‌ల‌కు సిద్ధ‌మ‌యింది. నెట్‌ఫ్లిక్స్ ఒరిజిన‌ల్ మూవీగా అమెరికన్ ఎపిక్ స్పేస్ ఒపెరా జాన‌ర్‌లో వ‌చ్చిన ఈ చిత్రానికి 300, వాచ్‌మెన్‌, సూప‌ర్‌మాన్, జ‌స్టిస్ లీగ్ వంటి భారీ చిత్రాల‌ను డైరెక్ట్ చేసిన జాక్ స్నైడర్ ద‌ర్శ‌కత్వం వ‌హించారు. అయితే ఆ సినిమా డిసెంబ‌ర్ 15న సెల‌క్టెడ్ థియేట‌ర్ల‌లో విడుదల అవుతుండ‌గా ఆ వెంట‌నే వారానికి అంటే డిసెంబ‌ర్ 21న ఓటీటీలోకి తీసుకురానున్నారు. ఈ చిత్రంలో సోఫియా బౌటెల్లా మెయిన్ లీడ్‌లో న‌టిస్తుండ‌గా చార్లీ హున్నమ్, మిచెల్ హుయిస్‌మాన్, జిమోన్ హౌన్సౌ, డూనా బే , రే ఫిషర్, క్లియోపాత్రా కోల్‌మన్, జెనా మలోన్ , ఫ్రా ఫీ, ఎడ్ స్క్రీన్, ఆంథోనీ హాప్‌కిన్స్ వంటి న‌టులు ఇత‌ర ప్ర‌ధాన పాత్ర‌ల్లో న‌టిస్తున్నారు. ఇప్ప‌టికే విడుద‌లైన ఈ సినిమా టీజ‌ర్‌, ట్రైల‌ర్‌కు మంచి రెస్పాన్స్ రావ‌డంతో సినిమాపై అంచ‌నాలు బాగా పెరిగాయి.
|
|