నెట్‌ఫ్లిక్స్‌లో అత్యధికంగా వీక్షించబడిన సిరీస్ గా 'రానా నాయుడు'
cinema | Suryaa Desk | Published : Wed, Dec 13, 2023, 07:09 PM
కరణ్ అన్షుమాన్ మరియు సుపర్ణ్ వర్మ దర్శకత్వంలో టాలీవుడ్ స్టార్ హీరో విక్టరీ వెంకటేష్ నటించిన మొదటి వెబ్ సిరీస్ 'రానా నాయుడు' అనే టైటిల్ తో నెట్‌ఫ్లిక్స్‌లో 10 మార్చి 2023న విడుదల అయ్యింది. తాజాగా నెట్‌ఫ్లిక్స్ తన డిజిటల్ ప్లాట్‌ఫామ్‌లో ప్రపంచవ్యాప్తంగా అత్యధికంగా వీక్షించబడిన టాప్ 400 షోల లిస్ట్ ను విడుదల చేసింది మరియు భారతదేశం నుండి రానా నాయుడు సిరీస్ కి మాత్రమే ఈ లిస్ట్ లో చోటు దక్కడం విశేషం. ఇండియా నుంచి రానా నాయుడు మాత్రమే టాప్ 400లో ఉండగా... అది కూడా 336వ స్థానంలో ఉంది. రానా నాయుడు వెబ్ సిరీస్ 1.64 కోట్ల వీక్షణ గంటలను నమోదు చేసింది.
టాలీవుడ్ హ్యాండ్సమ్ హల్క్ రానా దగ్గుబాటి కూడా వెబ్ సిరీస్ లో కనిపించనున్నారు. ఈ తెలుగు క్రైమ్ డ్రామా సిరీస్‌లో సుర్వీన్ చావ్లా, సుశాంత్ సింగ్, ఆశిష్ విద్యార్థి, గౌరవ్ చోప్రా, సుచిత్రా పిళ్లై, రాజేష్ జైస్ మరియు ప్రియా బెనర్జీ కీలక పాత్రలు పోషిస్తున్నారు. ఈ క్రైమ్ డ్రామా పాపులర్ అమెరికన్ టీవీ సిరీస్ 'రే డోనోవన్' కి ఆధారంగా రూపొందించారు. లోకోమోటివ్ గ్లోబల్ మీడియా LLPకి చెందిన సుందర్ ఆరోన్ ఈ వెబ్ సిరీస్ ని నిర్మించారు.
|
|