మిల్లర్‌... కిల్లర్‌ స్టోరి
cinema | Suryaa Desk | Published : Wed, Dec 20, 2023, 03:36 PM
ధనుష్‌ ఎంచుకునే కథలు విభిన్నంగా ఉంటాయి. అందుకే ఆయన నటించే చిత్రాలపై మొదట్నుంచీ తెలుగు ప్రేక్షకులకు ఆసక్తి ఎక్కువ. ఆయన నటించిన ప్రతి చిత్రం డబ్‌ అయి తెలుగులోకి వస్తుంది. వాటిలో కొన్ని ఘన విజయాలు ఉన్నాయి. ‘సార్‌’ చిత్రంతో తెలుగులో స్ట్రెయిట్‌ హిట్‌ను తన ఖాతాలో వేసుకున్నారుఽ దనుష్‌. ప్రస్తుతం టాలీవుడ్‌ దర్శకుడు శేఖర్‌ కమ్ములతో ఓ ప్రాజెక్ట్‌ చేస్తూ తెలుగులో తన మార్కెట్‌ను మరింత పెంచుకునేందుకు ప్రయత్నిస్తున్నాడు. ఇప్పుడు ప్రేక్షకులందరి చూపు ఆయన హీరోగా నటిస్తున్న ‘కెప్టెన్‌ మిల్లర్‌’పైనే. బ్రిటిష్‌ కాలం నాటి యుద్ధం నేపథ్యంలో సాగే పీరియాడిక్‌ ఫిల్మ్‌ ఇది. ఇప్పటికే విడుదలైన ప్రచార చిత్రాలు, ధనుష్‌ లుక్‌ ఈ సినిమాపై ఆసక్తిని మరింత పెంచాయి. తెలుగు ప్రేక్షకులు కూడా ఈ సినిమా రిలీజ్‌ కోసం ఎదురుచూస్తున్నారు. ‘కెప్టెన్‌ మిల్లర్‌’ కూడా సంక్రాంతికే సందడి చేయనున్నారు. శివరాజ్‌కుమార్‌, సందీప్‌ కిషన్‌ కీలకపాత్రలు పోషించారు. ఈ పీరియాడిక్‌ యాక్షన్‌ థ్రిల్లర్‌ చిత్రం పక్కాగా సంక్రాంతికి థియేటర్లలో ఉంటుందని ధనుష్‌ సోషల్‌ మీడియాలో తెలిపారు. అరుణ్‌ మాతేశ్వరన్‌ దర్శకత్వం వహించారు. ప్రియాంక మోహన్‌ కథానాయిక.
|
|