USAలో విడుదలకు ముందే రికార్డు బ్రేక్ చేసిన 'సాలార్'
cinema | Suryaa Desk | Published : Thu, Dec 21, 2023, 05:39 PM
పాన్ ఇండియా స్టార్ హీరో ప్రభాస్ నటించిన సాలార్: పార్ట్ 1 డిసెంబర్ 22, 2023న ప్రపంచవ్యాప్తంగా థియేటర్లలోకి రాబోతోంది. ప్రశాంత్ నీల్ దర్శకత్వం వహించిన ఈ సినిమాలో మాలీవుడ్ స్టార్ పృథ్వీరాజ్ సుకుమార్ కీలక పాత్ర పోషించాడు. లేటెస్ట్ అప్డేట్ ప్రకారం, USAలో 70,000 కంటే ఎక్కువ టిక్కెట్లు ఇప్పటికే సోల్డ్ అయ్యినట్లు చిత్ర బృందం పోస్టర్ ని విడుదల చేసి ప్రకటించింది. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు. ఈ చిత్రానికి రవి బస్రూర్ సంగీతాన్ని అందిస్తున్నారు.
|
|
