ట్రెండింగ్
శెరవేగంగా ‘నా సామిరంగా’
cinema | Suryaa Desk | Published : Fri, Dec 22, 2023, 05:30 PM
అక్కినేని నాగార్జున నటిస్తున్న మాస్‌ అండ్‌ ఫ్యామిలీ ఎంటర్‌టైనర్‌ ‘నా సామిరంగా’ షూటింగ్‌ చివరి దశలో ఉంది. ప్రస్తుతం భారీ సెట్‌ వేసి టైటిల్‌ సాంగ్‌ చిత్రీకరిస్తున్నారు. చంద్రబోస్‌ రాసిన ఈ పాటకు కీరవాణి సంగీతం అందించారు. ఈ మాస్‌ నంబర్‌లో అల్లరి నరేశ్‌, రాజ్‌ తరుణ్‌ సహా 300 మంది డాన్సర్లు పాల్గొంటున్నారు. దినేశ్‌ మాస్టర్‌ కొరియోగ్రాఫర్‌. నాగార్జున, నరేశ్‌, రాజ్‌ తరుణ్‌లపై చిత్రీకరిస్తున్న ఈ పాట థియేటర్స్‌లో ప్రేక్షకులతో విజిల్స్‌ వేయిస్తుందని దర్శకనిర్మాతలు చెబుతున్నారు. నాగార్జున సరసన ఆషికా రంగనాథ్‌ కథానాయికగా నటిస్తున్న ఈ చిత్రాన్ని శ్రీనివాసా సిల్వర్‌ స్ర్కీన్స్‌ బేనరుపై శ్రీనివాస చిట్టూరి నిర్మిస్తున్నారు. పవన్‌కుమార్‌ సమర్పిస్తున్న ఈ చిత్రానికి విజయ్‌ బిన్ని దర్శకుడు.
|
|