హైదరాబాద్‌లో కొత్త షెడ్యూల్ ని ప్రారంభించిన 'గేమ్ ఛేంజర్'
cinema | Suryaa Desk | Published : Mon, Jan 08, 2024, 05:23 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి గేమ్ ఛేంజర్ అనే టైటిల్ ని మూవీ మేకర్స్ లాక్ చేసారు. ఈ చిత్రం సెప్టెంబర్ 2024లో విడుదల కానుంది. తాజాగా ఇప్పుడు హైదరాబాద్ నగరంలో ఈ సినిమా తాజా చిత్రీకరణ షెడ్యూల్ ఈరోజు ప్రారంభమైంది. రామ్ చరణ్ మరియు ఇతర ముఖ్య తారాగణం సభ్యులు ఈ షెడ్యూల్ లో జాయిన్ కానున్నారు. ఈ షెడ్యూల్ జనవరి 22, 2024 వరకు కొనసాగుతుంది.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|