కీలక సన్నివేశాలను రామోజీ ఫిల్మ్ సిటీలో చిత్రీకరిస్తున్న 'పుష్ప 2' బృందం
cinema | Suryaa Desk | Published : Tue, Jan 09, 2024, 02:28 PM
సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ 2019లో బ్లాక్‌బస్టర్ మూవీస్ లో ఒకటైన పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. ఇటీవలే మూవీ మేకర్స్ విడుదల చేసిన పుష్ప 2 ఫస్ట్-లుక్ పోస్టర్ అందరిని ఆకట్టుకుంది. హైదరాబాద్‌లో శరవేగంగా షూటింగ్ జరుపుకుంటున్న ఈ సినిమా సెట్‌లో స్టార్ హీరోయిన్ రష్మిక మందన్న జాయిన్ అయింది.
తాజా అప్‌డేట్ ప్రకారం, రామోజీ ఫిల్మ్ సిటీలో ప్రత్యేకంగా వేసిన సెట్‌లో అల్లు అర్జున్ మరియు రష్మిక మధ్య కొన్ని కామెడీ మరియు సరదా సన్నివేశాలను చిత్రీకరిస్తున్నారు. సీక్వెల్‌లో రష్మిక బన్నీ భార్యగా కనిపించనుంది. ఈ సినిమా ఆగష్టు 15, 2024న విడుదల కానుంది.
ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రను పోషిస్తున్నాడు. ఈ చిత్రంలో అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.
|
|