ట్రెండింగ్
ఏప్రిల్‌ 5న విడుదల కానున్న దేవర
cinema | Suryaa Desk | Published : Tue, Jan 09, 2024, 04:26 PM
ఈ సముద్రం చేపలకంటే కత్తులూ, నెత్తురే ఎక్కువ చూసి ఉండాది. అందుకే దీన్ని ఎర్రసముద్రం అంటారు’ అంటున్నారు ఎన్టీఆర్‌. ఆయన కథానాయకుడిగా నటిస్తున్న ‘దేవర’ చిత్రంలోనిదీ డైలాగ్‌. కొరటాల శివ దర్శకుడు. సోమవారం చిత్రబృందం ప్రత్యేక వీడియోను విడుదల చేసింది. రోమాంచిత పోరాట ఘట్టాలు, పతాక స్థాయి భావోద్వేగాలతో గ్లింప్స్‌ ఆధ్యంతం అలరించింది. ఆగ్రహం నిండిన కళ్లతో ఎన్టీఆర్‌ పవర్‌ఫుల్‌గా కనిపించారు. సముద్రపు దొంగలు నౌకలను దోచుకోవడం, వారిని ఎన్టీఆర్‌ ఊచకోత కోసే సన్నివేశాలతో యాక్షన్‌ హంగామా కనిపించింది. అనిరుధ్‌ రవిచంద్రన్‌ ఇచ్చిన నేపథ్య సంగీతం ఆకట్టుకుంది. ఈ ఏడాది ఏప్రిల్‌ 5న ‘దేవర’ చిత్రం తొలిభాగం విడుదలవుతోంది. జాన్వీకపూర్‌ కథానాయిక. సైఫ్‌ అలీఖాన్‌ విలన్‌ పాత్ర పోషిస్తున్నారు. ప్రకాశ్‌రాజ్‌, శ్రీకాంత్‌, మురళీశర్మ కీలకపాత్రల్లో నటిస్తున్నారు.
|
|
