ఆల్ టైమ్ రికార్డ్ క్రియేట్ చేసిన ‘గుంటూరు కారం’
cinema | Suryaa Desk | Published : Sun, Jan 14, 2024, 04:21 PM
సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో హారికా అండ్ హాసిని క్రియేషన్స్ పతాకంపై ఎస్. రాధాకృష్ణ(చినబాబు) ప్రతిష్టాత్మకంగా నిర్మించిన భారీ చిత్రం ‘గుంటూరు కారం’ . శ్రీలీల, మీనాక్షి చౌదరి కథానాయికలుగా నటించారు. హై ఎక్స్‌పెక్టేషన్స్ నడుమ సంక్రాంతి కానుకగా జనవరి 12న విడుదలైన ఈ చిత్రం తొలి రోజున రూ.94 కోట్ల వసూళ్లను సాధించి రీజనల్ ఫిల్మ్ కేటగిరీలో ఆల్ టైమ్ రికార్డ్ క్రియేట్ చేసిన విషయం తెలిసిందే. రెండో రోజూ రమణగాడు బాక్సాఫీస్ దగ్గర రాంప్ ఆడేశాడు. తాజాగా మేకర్స్ రెండు రోజుల కలెక్షన్స్ పోస్టర్‌ను విడుదల చేశారు. ఈ పోస్టర్ ప్రస్తుతం వైరల్ అవుతోంది. మేకర్స్ విడుదల చేసిన పోస్టర్ ప్రకారం ‘గుంటూరు కారం’ రెండు రోజులకుగానూ రూ. 127 కోట్ల గ్రాస్ కలెక్షన్స్‌ను రాబట్టింది. రమణగాడి సూపర్ సంక్రాంతి బ్లాక్‌బస్టర్‌గా మేకర్స్ ఈ చిత్రాన్ని అభివర్ణిస్తున్నారు. మొదటి రోజు ప్రపంచవ్యాప్తంగా రూ. 94 కోట్ల గ్రాస్ కలెక్షన్స్‌ని రాబట్టిన ఈ సినిమా.. రెండో రోజూ రూ. 33 కోట్ల గ్రాస్ కలెక్షన్స్‌ని కొల్లగొట్టింది. రెండో రోజు ఈ సినిమాకు పోటీగా థియేటర్లలో రెండు సినిమాలు (హనుమాన్, సైంధవ్ రిలీజ్) ఉన్నప్పటికీ రూ. 33 కోట్ల కలెక్షన్స్ రాబట్టడం అంటే మాములు విషయం కాదు. అందుకే సూపర్ స్టార్ రాంపేజ్ ఇది అని కామెంట్స్ చేస్తూ.. సోషల్ మీడియాలో ఫ్యాన్స్ అభిమానం చాటుకుంటున్నారు.
|
|