ట్రెండింగ్
తమిళ హీరోతో జతకట్టనున్న మన్మధుడు
cinema | Suryaa Desk | Published : Fri, Jan 19, 2024, 08:36 PM
విలక్షణ నటుడు ధనుష్‌, టాలీవుడ్‌ మన్మథుడు అక్కినేని నాగార్జున కలయికలో ఓ భారీ మల్టీస్టారర్‌ రూపొందుతోంది. ఈ చిత్రానికి శేఖర్‌ కమ్ముల దర్శకత్వం వహిస్తున్నారు. శ్రీ వెంకటేశ్వర సినిమాస్‌ ఎల్‌ఎల్‌పీ, అమిగోస్‌ క్రియేషన్స్‌ ప్రైవేట్‌ లిమిటెడ్‌ బేనర్స్‌పై సునీల్‌ నారంగ్‌, పుస్కూర్‌ రామ్‌ మోహన్‌రావు నిర్మిస్తున్నారు. సోనాలీ నారంగ్‌ సమర్పకులు. గురువారం పూజా కార్యక్రమాలతో లాంఛనంగా చిత్రీకరణ ప్రారంభించారు. ధనుష్‌పై కొన్ని సన్నివేశాలను చిత్రీకరించారు. రష్మిక మందన్న కథానాయికగా నటిస్తున్న ఈ చిత్రానికి సినిమాటోగ్రఫీ: నికేత్‌ బొమ్మి. ఇతర నటీనటులు, సాంకేతిక నిపుణుల వివరాలు త్వరలో వెల్లడించనున్నారు.
|
|