అయోధ్య కి విరాళాలు ఇవ్వనున్న ‘హనుమాన్’ యూనిట్
cinema | Suryaa Desk | Published : Sun, Jan 21, 2024, 02:40 PM
ప్రశాంత్ వర్మ దర్శకత్వంలో తేజ సజ్జా హీరోగా ప్రైమ్‌షో ఎంటర్‌టైన్‌మెంట్స్‌ బ్యానర్‌పై నిరంజన్ రెడ్డి నిర్మించిన చిత్రం ‘హనుమాన్’ . సంక్రాంతికి వచ్చిన ఈ సినిమా స్ట్రాంగ్ ట్రెండ్‌ను కొనసాగిస్తోంది. ఇప్పటి వరకు ఈ సినిమా ప్రపంచవ్యాప్తంగా రూ. 150 కోట్ల మార్కును క్రాస్ చేసి.. వీక్ డేస్‌లో కూడా భారీ వసూళ్లను రాబట్టి సక్సెస్‌ఫుల్‌గా దూసుకెళుతోంది. ‘హను-మాన్’ రెండవ వారాంతంలోనూ దేశీయ, విదేశాలలో మ్యాగ్జిమమ్ ఆక్యుపెన్సీని రీచ్ అవుతోంది. ఈ చిత్రం బ్లాక్‌బస్టర్ హిట్‌తో పాటు, ప్రజల ఆదరాభిమానాలను అందుకుంది. అయితే ఈ సినిమా ప్రీ రిలీజ్ వేడుక రోజు మేకర్స్ మెగాస్టార్ చిరంజీవి ద్వారా ఓ స్టేట్‌మెంట్ ఇప్పించారు. అయోధ్యలోని రామ మందిరానికి ఈ సినిమాకు తెగే ప్రతి టిక్కెట్ నుండి రూ. 5 విరాళంగా ఇవ్వడం జరుగుతుందని తెలిపారు. ఆ విధంగా అయోధ్యలోని భగవాన్ శ్రీ రాముని ప్రాణ ప్రతిష్ట వేడుకల్లో ఈ సినిమా కూడా భాగమైంది. మేకర్స్ ప్రీ-రిలీజ్ ఈవెంట్‌లో పేర్కొన్నట్లుగా, అయోధ్య రామమందిరానికి ఒక్కో టికెట్ నుండి ₹5 పక్కన పెట్టి విరాళంగా ఇస్తున్నారు.
|
|