ప్రధాన హైలైట్ గా 'దేవరా' ఇంటర్వెల్ బ్యాంగ్
cinema | Suryaa Desk | Published : Fri, Jan 26, 2024, 03:31 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి దేవర అనే టైటిల్ ని మూవీ మేకర్స్ లాక్ చేసారు. అనిరుధ్ సంగీతం అందించిన ఈ సినిమా 80% షూటింగ్ పూర్తి చేసుకుంది. ఈ చిత్రానికి సంబంధించిన ఒక ఆసక్తికర సమాచారం ఇప్పుడు వైరల్గా మారింది.
ఈ సినిమాలో ఎన్టీఆర్ పాత్రకు సంబంధించిన క్రేజీ ట్విస్ట్ రివీల్ అవుతుందని దేవరలో ఇంటర్వెల్ బ్యాంగ్ ప్రధాన హైలైట్ అవుతుందని ఫిల్మ్ సర్కిల్స్లో గాసిప్ ఉంది. ఈ చిత్రంలో ఎన్టీఆర్ ద్విపాత్రాభినయం చేయనున్నాడని, ఈ ట్విస్ట్ ఆయన పాత్రపైనే ఉంటుందని వార్తలు వచ్చాయి. దర్శకుడు కొరటాల ఈ అంశాన్ని ఎలా ఎగ్జిక్యూట్ చేశాడనేది ఇంకా ధృవీకరించబడనప్పటికీ ఫిల్మ్ సర్కిల్స్లో ఈ వార్తా వైరల్ అవుతుంది.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ సినిమాలో సైఫ్ అలీ ఖాన్ కీలక పాత్ర పోషిస్తున్నారు. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|