'గ్యాంగ్స్ ఆఫ్ గోదావరి' ఐటెం సాంగ్ లో బిగ్ బాస్ బ్యూటీ
cinema | Suryaa Desk | Published : Thu, Feb 01, 2024, 06:23 PM
కృష్ణ చైతన్య దర్శకత్వంలో మాస్ కా దాస్ విశ్వక్సేన్ తన తదుపరి చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ సినిమాకి 'గ్యాంగ్స్ ఆఫ్ గోదావరి' అనే టైటిల్ ని మూవీ మేకర్స్ లాక్ చేసారు. కొన్ని నెలల క్రితం విడుదలైన టీజర్‌కి అద్భుతమైన స్పందన వచ్చింది.
ఈ సినిమాలోని ఐటెం సాంగ్ కి ఈషారెబ్బాని మూవీ మేకర్స్ సెలెక్ట్ చేసినట్లు ప్రకటించారు. కానీ ఈ సాంగ్ కోసం ఒక రోజు పాటు షూట్ చేసిన ఈషారెబ్బా ఆరోగ్య సమస్యల కారణంగా డ్రాప్ అయ్యినట్లు సమాచారం. తాజాగా ఇప్పుడు హిందీ బిగ్ బాస్ ఫేమ్ అయేషాఖాన్‌ ఈ సాంగ్ లో కనిపించనున్నట్లు లేటెస్ట్ టాక్.
యాక్షన్ డ్రామాగా తెరకెక్కుతున్న ఈ చిత్రం మార్చి 8, 2024న విడుదల కానుంది. ఈ సినిమాలో అంజలి, నేహా శెట్టి కథానాయికలుగా నటిస్తున్నారు. ఈ చిత్రంలో నాజర్, సాయి కుమార్, గోపరాజు రమణ తదితరులు ముఖ్య పాత్రలు పోషిస్తున్నారు.
ప్రముఖ నిర్మాణ సంస్థలు సితార ఎంటర్‌టైన్‌మెంట్స్ మరియు ఫార్చూన్ ఫోర్ ఎంటర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి. ఈ చిత్రానికి యువన్ శంకర్ రాజా సంగీతం అందిస్తున్నారు.
|
|
