'ది గ్రేటెస్ట్ ఆఫ్ ఆల్ టైమ్' ఫస్ట్ సింగల్ విడుదల అప్పుడేనా
cinema | Suryaa Desk | Published : Tue, Mar 05, 2024, 08:15 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. ఈ సినిమాకి గ్రేటెస్ట్ ఆఫ్ ఆల్ టైమ్ (G.O.A.T.) అనే టైటిల్ ని లాక్ చేసారు. ఈ సినిమా షూటింగ్ ప్రస్తుతం శరవేగంగా జరుగుతోంది.
తాజగా ఈ సినిమా దర్శకుడు వెంకట్ ప్రభు ఇటీవల ఈ చిత్రం క్లైమాక్స్ మరియు విదేశీ షెడ్యూల్ చిత్రీకరించాల్సి ఉందని మొదటి సింగిల్ మేలో విడుదల కానుందని ఆయన వెల్లడించారు. పుకార్లను ప్రస్తావిస్తూ, సినిమా ఒరిజినల్ క్రియేషన్ అని రీమేక్ కాదని స్పష్టం చేశారు.
ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు.
ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|