ట్రెండింగ్
మరోసారి ఆస్కార్ స్టేజిపై 'నాటు నాటు' పాట
cinema | Suryaa Desk | Published : Mon, Mar 11, 2024, 11:25 AM
ఆస్కార్ వేదికపై మరోసారి 'నాటు నాటు' పాట సందడి చేసింది. గతేడాది ఈ పాట ఆస్కార్ అవార్డును అందుకున్న విషయం తెలిసిందే. కాగా ఆస్కార్ అవార్డు-2024 వేడుకల్లో బార్బీ సినిమాలోని 'వాట్ వాజ్ ఐ మేడ్ ఫర్' పాటకు బెస్ట్ ఒరిజినల్ అవార్డుకు ఎంపికైంది. ఈ సందర్భంగా బిల్లీ ఐలిష్, ఫిన్నియస్ ఓ కానల్ అవార్డు అందుకోడానికి వేదికపైకి వస్తుండగా వెనుక 'నాటు నాటు' సాంగ్ విజువల్స్‌ను ప్లే చేశారు.
ఆస్కార్ విజేతలను ప్రకటించే ముందు, నామినీల వివరాలతో కూడిన వీడియో ప్లే చేయబడుతుంది. ఆ తర్వాత గతేడాది ఆ అవార్డు ఎవరికి అందిందని కూడా చూపిస్తారు. 'నాటు నాటు...' ఆస్కార్ 2023 గెలుచుకుంది! ఆ పాట విజువల్స్ చూపించారు. అంతే! ఆస్కార్స్ 2024లో, భారతీయ చలనచిత్రాలు లేదా డాక్యుమెంటరీలు ఏ అవార్డులను అందుకోలేదు. ఆస్కార్ వేదికపై 'నాటు నాటు...' పాట కనిపించడం ఒక విధంగా చిన్న రిలీఫ్‌గా చెప్పాలి.
|
|
