'కన్నప్ప' కి ప్రభాస్ రెమ్యునరేషన్ ఎంతంటే...!
cinema | Suryaa Desk | Published : Thu, May 16, 2024, 03:30 PM
టాలీవుడ్ హీరో విష్ణు మంచు కలల ప్రాజెక్ట్ కన్నప్ప చాలా సంవత్సరాల నిరీక్షణ తర్వాత ఎట్టకేలకు ప్రారంభమైంది. మహాభారతం సీరియల్‌కి దర్శకత్వం వహించిన ముఖేష్ కుమార్ సింగ్ ఈ పాన్ ఇండియన్ చిత్రానికి దర్శకత్వం వహించనున్నారు. తాజాగా మూవీ మేకర్స్ ఈ సినిమా షూటింగ్ లో పాన్ ఇండియా స్టార్ హీరో ప్రభాస్ జాయిన్ అయ్యినట్లు ప్రకటించారు.
ప్రభాస్ ఈ సినిమా కోసం కేవలం మూడు రోజుల కాల్షీట్లను మాత్రమే కేటాయించినట్లు సమాచారం. లేటెస్ట్ బజ్ ప్రకారం, ఈ సినిమాకి ప్రభాస్ రెమ్యునరేషన్ అస్సలు తీసుకోకపోవచ్చని రూమర్స్ వినిపిస్తున్నాయి. దీనికి మోహన్‌బాబుతో ఉన్న సన్నిహిత స్నేహమే కారణమని ఫిలిం సర్కిల్ లో వార్తలు వినిపిస్తున్నాయి.
ఈ చిత్రంలో ప్రభాస్, నయనతార, మోహన్‌లాల్, శివ రాజ్‌కుమార్, శరత్‌కుమార్, అక్షయ్ కుమార్ మరియు మధుబాల కీలక పాత్రలు పోషిస్తున్నారు. మణిశర్మ మరియు స్టీఫెన్ దేవాసి ఈ చిత్రానికి సంగీత దర్శకులు. అవా ఎంటర్‌టైన్‌మెంట్, 24 ఫ్రేమ్స్ ఫ్యాక్టరీ బ్యానర్‌లపై కన్నప్పను లెజెండరీ నటుడు మోహన్‌బాబు నిర్మిస్తున్నారు.
|
|