ఓటీటీ రిలీజ్ డేట్ ను ఫిక్స్ చేసుకున్న కమల్ హాసన్ 'భారతీయుడు' మూవీ..ఎప్పుడంటే..?
cinema | Suryaa Desk | Published : Thu, Aug 01, 2024, 01:22 PM
కమల్ హాసన్ మరియూ శంకర్ కాంబోలో తెరకెక్కిన లేటెస్ట్ మూవీ 'భారతీయుడు 2'. ఈ సినిమా 1996 లో వచ్చిన చిత్రం భారతీయుడు కి సెక్వెల్ గా వచ్చింది. గత నెల 12న వరల్డ్ వైడ్ గా రిలీజ్ అయిన ఇండియన్-2 బాక్సాఫీస్ వద్ద దారుణ పరాజయాన్ని మూటగట్టుకుంది. దాదాపు రూ.250 కోట్ల థియేట్రికల్ టార్గెట్ తో వచ్చిన ఈ చిత్రం కనీసం 150 కోట్ల రూపాయలు కూడా రాబట్టలేక బాక్సాఫీస్ వద్ద చతికిలబడింది. భారీ అంచనాలు ఉన్న ఈ చిత్రాన్ని డిజిటల్ రైట్స్ ను నెట్ ఫ్లిక్స్ దాదాపు రూ. 120 కోట్లకు కొనుగోలు చేసింది. కానీ నిర్మాతలకు సదురు ఓటీటీ సంస్థలకు తకరారు నడిచింది. తమిళ సినీ వర్గాల సమాచారం ప్రకారం నెట్ ఫ్లిక్స్, లైకా మధ్య భారతీయుడు -2 వివాదం ముగిసిందని సమాచారం. ఇక మరోవైపు ఇండియన్ -2 థియేట్రికల్ రన్ కూడా దాదాపు ముగిసినట్టే. దీంతో భారీ రేట్ కు డిజిటల్ రైట్స్ కొనుగోలు చేయడం,థియేటర్లలో భారీ ఫ్లాప్ గా నిలవడంతో డిజిటల్ ప్రీమియర్ గా ఇండియన్ -2 ను ఒప్పందం కంటే ముందుగా ఆగస్టు 9న నెట్ ఫ్లిక్స్ లో రిలీజ్ చేసే ఆలోచనలోఉన్నట్లు తెలుస్తుంది. దీనిపై అధికారక ప్రకటన రావాల్సి ఉంది.
|
|