ప్రభాస్ ఫాన్స్ కి గుడ్ న్యూస్ 'కల్కి 2898AD' మూవీ ఓటీటీ లోకి వచ్చేస్తుంది....
cinema | Suryaa Desk | Published : Fri, Aug 02, 2024, 12:31 PM
పాన్ ఇండియా స్టార్ ప్రభాస్ హీరోగా నటించిన తాజా చిత్రమే 'కల్కి 2898 ఏడీ'. క్రియేటివ్ డైరెక్టర్ నాగ్ అశ్విన్ రూపొందించిన ఈ భారీ బడ్జెట్ చిత్రం టెక్నికల్ వండర్‌గా రెడీ అయింది. దీంతో ఈ చిత్రంపై ఓ రేంజ్‌లో హైప్ క్రియేట్ అయింది. అందుకు అనుగుణంగానే దీన్ని ఎన్నో అంచనాల నడుమ జూన్ 27వ తేదీన ప్రేక్షకుల ముందుకు తీసుకు వచ్చారు. అందుకు అనుగుణంగానే ఈ చిత్రానికి భారీ స్థాయిలో రెస్పాన్స్ కూడా దక్కింది. ఫలితంగా ఈ సినిమా రికార్డు స్థాయిలో వసూళ్లను రాబట్టింది. ఇలా ఇప్పటికే రూ. 1100 కోట్లుకు పైగా గ్రాస్ కలెక్షన్లను వసూలు చేసి లాభాలను అందుకుంటోంది.
ఈ సినిమా యొక్క స్ట్రీమింగ్ హక్కులను సౌత్ భాషల రైట్స్‌ను తీవ్ర పోటీ నడుమ అమెజాన్ ప్రైమ్ సంస్థ, హిందీ స్ట్రీమింగ్ హక్కులను నెట్‌ఫ్లిక్స్ సంస్థ సొంతం చేసుకున్నాయి. ఈ రైట్స్ కోసం సదరు సంస్థ చిత్ర నిర్మాతలకు భారీ మొత్తాన్నే ముట్టజెప్పినట్లు తెలుస్తుంది. తాజాగా ఈ సినిమా ఓటీటీలో స్ట్రీమింగ్ చేస్తారని టాక్ వచ్చింది. కానీ, సెప్టెంబర్ వరకూ దీన్ని తీసుకు రావడంలేదని అన్నారు. అయితే, తాజా సమాచారం ప్రకారం. ఈ చిత్రాన్ని'ఆగస్టు 23వ' తేదీ నుంచి స్ట్రీమింగ్ చేసేందుకు అమెజాన్ ప్రైమ్ సిద్ధం అవుతోందట. దీనిపై త్వరలోనే అధికారిక ప్రకటన వస్తుందని సమాచారం.
|
|