'వేట్టైయన్' గురించి కీలక వ్యాఖ్యలు చేసిన మంజు వారియర్
cinema | Suryaa Desk | Published : Fri, Aug 02, 2024, 08:37 PM
జై భీమ్ ఫేమ్ టీజే జ్ఞానవేల్ తో తమిళ సూపర్ స్టార్ రజనీకాంత్ తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'వేట్టైయన్' అనే టైటిల్ ని మూవీ మేకర్స్ లాక్ చేసారు. కొద్ది రోజుల క్రితం విడుదలైన ఈ సినిమా టైటిల్ టీజర్ కు సూపర్ రెస్పాన్స్ వచ్చింది. ఈ సినిమా అక్టోబర్ 2024లో పెద్ద స్క్రీన్‌లలోకి రానుంది. ఈ యాక్షన్ డ్రామాలో రజనీకి భార్యగా నటిస్తున్నట్లు ఇటీవల ఓ ఇంటర్వ్యూలో మంజు వారియర్ వెల్లడించారు. మంజు వారియర్ మాట్లాడుతూ.. వెట్టయన్ ఔట్ అండ్ అవుట్ రజనీకాంత్ సినిమా. జై భీమ్ లాంటి మంచి సినిమా తీసిన టీజే జ్ఞానవేల్ టచ్ కూడా ఇందులో ఉంటుంది. అక్టోబర్ లేదా నవంబర్‌లో సినిమా విడుదలయ్యే అవకాశం ఉంది. ఖచ్చితమైన విడుదల తేదీ ఇంకా లాక్ కాలేదు. నా క్యారెక్టర్‌కి డబ్బింగ్ ఇంకా పూర్తి చేయలేదు అని అన్నారు. వేట్టైయన్ పేరుతో తెరకెక్కిన ఈ చిత్రంలో అమితాబ్ బచ్చన్, ఫహద్ ఫాసిల్, రానా దగ్గుబాటి, మంజు వారియర్, దుషార విజయన్, రితికా సింగ్, GM సుందర్, రోహిణి, రావు రమేష్, రమేష్ తిలక్ మరియు రక్షణ కీలక పాత్రల్లో నటిస్తున్నారు. లైకా ప్రొడక్షన్స్ బ్యానర్‌పై సుభాస్కరన్ ఈ ప్రతిష్టాత్మక ప్రాజెక్ట్‌ను నిర్మిస్తున్నారు. అనిరుధ్ రవిచందర్ ఈ చిత్రానికి సంగీతం సమకూరుస్తున్నారు.
|
|