‘సరిపోదా శనివారం’ ట్రైలర్‌ ఎప్పుడంటే...
cinema | Suryaa Desk | Published : Sat, Aug 10, 2024, 08:16 PM
నేచురల్ స్టార్ నాని దర్శకుడు వివేక్ ఆత్రేయ కాంబినేషన్‌లో తెరకెక్కుతోన్న లేటెస్ట్ మూవీ ‘సరిపోదా శనివారం’ ఇప్పటికే ప్రేక్షకుల్లో మంచి అంచనాలను క్రియేట్ చేసింది. ఈ సినిమాను పూర్తి మాస్ యాక్షన్ డ్రామాగా చిత్ర యూనిట్ రూపొందిస్తున్నారు. ఇక ఈ సినిమా పోస్టర్స్, సాంగ్స్, వీడియో గ్లింప్స్‌లు ఈ సినిమాపై ఆసక్తిని అమాంతం పెంచేశాయి.
కాగా, ఈ సినిమా నుంచి ట్రైలర్‌ను రిలీజ్ చేసేందుకు మేకర్స్ రెడీ అవుతున్నారు. సరిపోదా శనివారం చిత్ర ట్రైలర్‌ను ఆగస్టు 13న రిలీజ్ చేయబోతున్నట్లు చిత్ర యూనిట్ తాజాగా వెల్లడించారు. దీంతో నాని అభిమానులు సంతోషం వ్యక్తం చేస్తున్నారు. ఈ సినిమా ప్రమోషన్స్‌ను కూడా చిత్ర యూనిట్ ఇప్పటికే మొదలుపెట్టిన సంగతి తెలిసిందే.అందాల భామ ప్రియాంక మోహన్ హీరోయిన్‌గా నటిస్తోన్న ఈ సినిమాలో ఎస్.జె.సూర్య విలన్ పాత్రలో నటిస్తున్నారు. ఈ సినిమాకు జేక్స్ బిజాయ్ సంగీతం అందిస్తుండగా, డివివి దానయ్య ఈ చిత్రాన్ని ప్రొడ్యూసర్ చేస్తున్నారు. ఆగస్టు 29న ఈ చిత్రాన్ని వరల్డ్‌వైడ్‌గా రిలీజ్ చేసేందుకు మేకర్స్ రెడీ అవుతున్నారు.
|
|