'తెలుసు కదా' షూటింగ్‌ను ప్రారంభించిన KGF బ్యూటీ

సిద్ధు జొన్నలగడ్డ తదుపరి రొమాంటిక్ ఎంటర్‌టైనర్ 'తెలుసు కదా' అనే చిత్రంతో ప్రేక్షకులని అలరించటానికి సిద్ధంగా ఉన్నాడు. ఈ చిత్రంతో ప్రముఖ స్టైలిస్ట్ నీరజ కోన దర్శకుడిగా పరిచయం అవుతోంది. గార్జియస్ బ్యూటీస్ రాశి ఖన్నా, శ్రీనిధి శెట్టి ఈ సినిమాలో కథానాయికలుగా నటిస్తున్నారు. హైదరాబాద్‌లో ఈ సినిమా రెగ్యులర్ షూటింగ్ ప్రారంభమైంది. షూటింగ్ యొక్క మొదటి షెడ్యూల్‌లో కీలక సన్నివేశాలు మరియు సిద్దూ మరియు రాశి నటించిన ఒక పాటని షూట్ చేసారు. ఇటీవలే ప్రారంభమైన షెడ్యూల్ లో శ్రీనిధి శెట్టి జాయిన్ అయ్యింది. ఈ కొత్త షెడ్యూల్ లో ప్లాట్‌ను ముందుకు నడిపించే అనేక కీలకమైన సన్నివేశాలని చిత్ర బృందం చిత్రీకరించనుంది. మ్యూజిక్ కంపోజర్ థమన్ ఎస్, సినిమాటోగ్రాఫర్ జ్ఞాన శేఖర్ బాబా మరియు నేషనల్ అవార్డ్ విన్నింగ్ ఎడిటర్ నవీన్ నూలితో సహా అగ్రశ్రేణి సాంకేతిక బృందంతో తెలుసు కదా సినిమా మాస్టర్ పీస్‌గా రూపొందుతోంది. ప్రముఖ ప్రొడక్షన్ డిజైనర్ అవినాష్ కొల్లా మరియు కాస్ట్యూమ్ డిజైనర్ శీతల్ శర్మ కూడా ఈ ప్రాజెక్ట్‌లో భాగమయ్యారు. ఈ సినిమాలోని ప్రతి అంశాన్ని చాలా సున్నితంగా రూపొందించారు. షూటింగ్‌ జరుపుకుంటున్న కొద్దీ, సిద్ధు జొన్నలగడ్డ కెరీర్‌లో ఒక ప్రత్యేకమైన చిత్రంగా నిలుస్తుందని, దర్శకురాలిగా నీరజ కోన నైపుణ్యానికి నిదర్శనంగా నిలుస్తుందని అంచనాలు పెరుగుతున్నాయి. షూటింగ్కొ నసాగుతుండగా, ప్రేక్షకులు ఎంతో ఆసక్తిగా ఎదురుచూస్తున్న ఈ భారీ అంచనాల చిత్రం యొక్క అప్‌డేట్‌లు మరియు స్నీక్ పీక్‌ల కోసం ఎదురుచూస్తున్నారు. వైవా హర్ష ఈ సినిమాలో కీలక పాత్రలో కనిపించనున్నారు. ఈ చిత్రాన్ని పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్నారు.