అల్లు అర్జున్ రూల్ చూడటానికి సిద్ధంగా ఉండండి
cinema | Suryaa Desk | Published : Sat, Aug 31, 2024, 03:01 PM
ఐకాన్ స్టార్ అల్లు అర్జున్ కథానాయకుడిగా క్రియేటివ్ డైరెక్ట‌ర్‌ సుకుమార్ దర్శకత్వంలో రూపొందుతున్న యాక్షన్‌ థ్రిల్లర్‌ ‘పుష్ప2 :ది రూల్’. ఇప్ప‌టికే షూటింగ్ జ‌రుపుకుంటున్న ఈ సినిమా చిత్రీక‌ర‌ణ చివ‌రి ద‌శ‌లో ఉంది. ఇప్ప‌టికే ఈ సమూవీ నుంచి విడుద‌ల చేసిన టీజ‌ర్‌, పాట‌లు సినిమాపై అంచ‌నాల‌ను రెట్టింపు చేశాయి. డిసెంబర్‌ 6న ప్రపంచ వ్యాప్తంగా ప్రేక్షకుల ముందుకు రాబోతుంది. ఈ క్ర‌మంలో నిర్మాత‌లు సినిమా నుంచి ఓ అప్డేట్ ఇచ్చారు. ఈ మూవీ రిలీజ్‌కు సంబంధించిన కౌంట్‌డౌన్‌ మొదలైంది. సినిమా విడుద‌ల‌కు మరో 100 రోజులు మాత్ర‌మే ఉంద‌నే అంశాన్ని తెలుపుతూ.. ఒక పోస్టర్‌ షేర్‌ చేసింది. ‘మరో వంద రోజుల్లో అతడి రూల్ చూడనున్నారు. అద్భుతమైన అనుభూతిని పొందేందుకు సిద్ధంగా ఉండండి’ అని టీమ్ పేర్కొంది. దీంతో ఫ్యాన్స్ సోష‌ల్ మీడియాలో ‘పుష్ప2 :ది రూల్’ ను సోష‌ల్ మీడియాలో ట్రెండింగ్‌లో ఉండేలా చూస్తున్నారు.
|
|