నేడే 'ది గోట్' ప్రీ రిలీజ్ ఈవెంట్
cinema | Suryaa Desk | Published : Mon, Sep 02, 2024, 03:11 PM
దళపతి విజయ్ మరియు వెంకట్ ప్రభుల ది గ్రేటెస్ట్ ఆఫ్ ఆల్ టైమ్ (ది గోట్) విడుదల కోసం అభిమానులు ఆసక్తిగా ఎదురుచూస్తున్నారు. సెప్టెంబర్ 5, 2024న ఈ సినిమా థియేటర్లలోకి రాబోతుంది. ఇటీవలే మూవీ మేకర్స్ ఈ సినిమా ట్రైలర్ ని విడుదల చేసారు. ప్రత్యేకించి పవర్ ప్యాక్డ్ యాక్షన్ ట్రైలర్ విడుదలైన తర్వాత ఈ సినిమా పై అంచనాలు ఆకాశాన్ని తాకేలా ఉన్నాయి. ట్రైలర్ విజయ్ యొక్క బహుళ అవతారాలను ప్రదర్శిస్తుంది. ముఖ్యంగా ఈ సినిమా టైటిల్ కార్డు తో అభిమానులు థ్రిల్ అవుతున్నారు. తాజాగా మూవీ మేకర్స్, ఈ సినిమా యొక్క ప్రీ రిలీజ్ ఈవెంట్ ని ఈరోజు సాయంత్రం 6 గంటల నుండి హైదరాబాద్ లోని ట్రైడెంట్ హోటల్ లో నిర్వహిస్తున్నట్లు సోషల్ మీడియాలో స్పెషల్ పోస్టర్ ని విడుదల చేసి ప్రకటించారు. ఈ చిత్రంలో మీనాక్షి చౌదరి, జయరామ్, స్నేహ, లైలా, యోగి బాబు, VTV గణేష్, అజ్మల్ అమీర్, మనోబాల, వైభవ్, ప్రేమి, అజయ్ రాజ్ మరియు అరవింద్ ఆకాష్ కీలక పాత్రలో నటిస్తున్నారు. AGS ఎంటర్‌టైన్‌మెంట్ నిర్మించిన ఈ చిత్రాన్ని మైత్రీ మూవీ మేకర్స్ తెలుగు వెర్షన్‌ను డిస్ట్రిబ్యూట్ చేస్తుంది. యువన్ శంకర్ రాజా ఈ చిత్రానికి సంగీతం అందిస్తున్నారు.
|
|