నార్త్ బాక్స్ఆఫీస్ వద్ద $6.8M మార్క్ ని చేరుకున్న 'స్త్రీ 2'
cinema | Suryaa Desk | Published : Mon, Sep 02, 2024, 05:42 PM
అమర్ కౌశిక్ దర్శకత్వంలో బాలీవుడ్ హీరోయిన్ శ్రద్ధా కపూర్ నటించిన 'స్త్రీ 2' ఆగస్ట్ 15, 2024 న ప్రేక్షకుల ముందుకు వచ్చింది. ఈ సినిమా విడుదలైన అన్ని చోట్ల పాజిటివ్ టాక్ ని సొంతం చేసుకొని సాలిడ్ కలెక్షన్స్ ని రాబడుతుంది. ఈ హారర్-కామెడీ సినిమా భారతదేశంలో 380 కోట్ల మార్క్‌ను దాటింది. ఈ చిత్రం ఇతర విడుదలల నుండి పోటీ ఉన్నప్పటికీ అనూహ్యంగా మంచి ప్రదర్శనను కొనసాగిస్తోంది. తాజాగా మూవీ మేకర్స్ ఈ సినిమా నార్త్ అమెరికా బాక్స్ఆఫీస్ వద్ద $6.8M గ్రాస్ ని వసూళ్లు చేసినట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో రాజ్‌కుమార్ రావు ప్రధాన పాత్రలో నటించగా, పంకజ్ త్రిపాఠి మరియు అభిషేక్ బెనర్జీ ముఖ్యమైన పాత్రలలో నటించారు. ఈ చిత్రం మడాక్ సూపర్‌నేచురల్ యూనివర్స్‌లో ఐదవ భాగం. ఈ చిత్రంలో వరుణ్ ధావన్ అతిధి పాత్రలలో నటిస్తున్నారు. ఈ సినిమాని నిరేన్ భట్ రచించారు మరియు దినేష్ విజన్ మరియు జ్యోతి దేశ్ పాండే నిర్మించారు.
|
|