'దేవ‌ర‌' నుంచి క్రేజీ అప్‌డేట్‌... సెప్టెంబర్ 4వ తేదీన మూడో పాట రిలీజ్

 దేవర సినిమా నుంచి మూడో పాట రిలీజ్‍కు రెడీ అయింది. ఈ పాట రిలీజ్ డేట్‍ను మూవీ టీమ్ నేడు వెల్లడించింది. ఎన్టీఆర్, జాన్వీ కపూర్ మధ్య రొమాంటిక్ డ్యూయెట్‍గా ఈ పాట ఉండనుంది. ఓ పోస్టర్‌ను కూడా మూవీ టీమ్ రివీల్ చేసింది.మ్యాన్ ఆఫ్ మాసెస్ జూనియర్ ఎన్టీఆర్ హీరోగా నటిస్తున్న హైవోల్టేజ్ యాక్షన్ సినిమా ఈనెల (సెప్టెంబర్)లోనే రిలీజ్ కానుంది. పాన్ ఇండియా రేంజ్‍లో భారీ అంచనాలు ఉన్న ఈ చిత్రం ఈనెల 27వ తేదీన ప్రేక్షకుల ముందుకు రానుంది. కొరటాల శివ దర్శకత్వంలో గ్రాండ్‍స్కేల్‍లో ఈ మూవీ రూపొందింది. ఇప్పటికే ఈ చిత్రం నుంచి వచ్చిన రెండు పాటలు బంపర్ పాపులర్ అయ్యాయి. ఇప్పుడు దేవర నుంచి మూడో పాట వచ్చేస్తోంది. ఈ సాంగ్ రిలీజ్ డేట్‍ను మూవీ టీమ్ నేడు వెల్లడించింది.

దేవర సినిమా నుంచి సెప్టెంబర్ 4వ తేదీన మూడో పాట రిలీజ్ కానుంది. ఈ విషయాన్ని మూవీ టీమ్ నేడు (సెప్టెంబర్ 2) వెల్లడించింది. దావుడి అంటూ సాగే ఈ సాంగ్ మరో రెండు రోజుల్లో 4న రానుంది. “ఇది కచ్చితంగా అదిరిపోతుంది. ప్రతీ బీట్‍ కూడా విజిల్ వేసేలా ఉంటుంది. సెప్టెంబర్ 4న దావుడి” అంటూ సోషల్ మీడియాలో దేవర టీమ్ వెల్లడించింది. ఈ చిత్రానికి సెన్సేషనల్ మ్యూజిక్ డైరెక్టర్ అనిరుధ్ రవిచందర్ సంగీతం అందిస్తున్నారు.

ఈ మూడో పాట రిలీజ్ డేట్ కోసం ఓ నయా పోస్టర్ రివీల్ చేసింది యూనిట్. బ్లాక్ ఔట్‍ఫిట్‍లో ఎన్టీఆర్ ఉండగా.. వైట్ కలర్ డ్రెస్‍లో జాన్వీ ఉన్నారు. ఎన్టీఆర్ అలా వెనక్కి వాలుతుండగా.. ఆయనను జాన్వీ రొమాంటిక్‍గా పట్టుకున్నట్టుగా ఈ పోస్టర్ ఉంది. ఈ పాటలో ఎన్టీఆర్ డ్యాన్స్ స్టెప్స్ అదిరిపోయేలా ఉంటాయని తెలుస్తోంది.దేవర నుంచి రానున్న ఈ మూడో సాంగ్ ఎన్టీఆర్, జాన్వీ కపూర్ మధ్య డ్యుయెట్ సాంగ్‍గా ఉండనుంది. కాస్త ఫాస్ట్ బీట్‍తో ట్రెండీ పదాలతో ఈ పాట ఉంటుందని తెలుస్తోంది. ఈ పాటకు రామజోగయ్య శాస్త్రి లిరిక్స్ అందించారని టాక్. రేపు ఈ పాటకు సంబంధించి ప్రోమో వచ్చే అవకాశం ఉంది. దానితో పాటే సెప్టెంబర్ 4న ఏ సమయానికి పాటను రిలీజ్ చేసేది మూవీ టీమ్ వెల్లడిస్తుంది.