'కంగువ' డిజిటల్ రైట్స్ కి భారీ డీల్
cinema | Suryaa Desk | Published : Tue, Sep 03, 2024, 03:38 PM
కోలీవుడ్ స్టార్ నటుడు సూర్య తన తదుపరి సినిమాని శివ దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'కంగువ' అనే టైటిల్ ని లాక్ చేసారు. ఈ చిత్రంలో దిశా పాటని కథానాయికగా నటిస్తుంది. బాబీ డియోల్, యోగి బాబు ఈ చిత్రంలో కీలక పాత్రలు పోషిస్తున్నారు. ఈ యాక్షన్ డ్రామా విడుదల నవంబర్ కి వాయిదా పడినట్లు వార్తలు వస్తున్నాయి. తాజాగా ఇప్పుడు ఈ సినిమా డిజిటల్ రైట్స్ ని 100 కోట్లు రికార్డు స్థాయిలో ప్రైమ్ వీడియో సొంతం చేసుకున్నట్లు సమాచారం. ఈ డీల్ తమిళ సినిమా చరిత్రలో అతిపెద్దది మరియు సూర్య కెరీర్‌లో అతిపెద్ద డీల్ గా లేటెస్ట్ టాక్. ఈ చిత్రానికి రాక్ స్టార్ దేవి శ్రీ ప్రసాద్ సంగీతం అందిస్తున్నారు. అత్యంత భారీ బడ్జెట్‌తో రూపొందిస్తున్న ఈ చిత్రం యొక్కబడ్జెట్ మూడు వందల కోట్లకు పైగా ఉంటుందని అంచనా. ఈ మాగ్నమ్ ఓపస్ విడుదల కోసం అభిమానులు ఆసక్తిగా ఎదురుచూస్తున్నారు. ప్రొడక్షన్‌ హౌస్‌ స్టూడియో గ్రీన్‌ ఈ చిత్రాన్ని నిర్మిస్తుంది.
|
|