ఓటీటీలోకి వచ్చేసిన ‘కమిటీ కుర్రాళ్లు’
cinema | Suryaa Desk | Published : Fri, Sep 13, 2024, 12:53 PM
యూత్ ఫుల్ ఎంటర్‌టైనర్ ‘కమిటీ కుర్రాళ్లు’ ఓటీటీలోకి వచ్చేసింది. ప్రముఖ ఓటీటీ ‘ఈటీవీ విన్’ వేదికగా ఈరోజు నుంచి ప్రసారం అవుతోంది. స్నేహబంధాన్ని తెలుపుతూ తెరకెక్కిన ఈ సినిమా సినీప్రియుల్ని విశేషంగా ఆకట్టుకుంది. ఎంతో మంది కొత్త నటీనటుల్ని వెండితెరకు పరిచయం చేసిన ఈ సినిమా ఆగస్టు 9న విడుదలై యువతను విశేషంగా ఆకట్టుకొని విమర్శకుల ప్రశంసలు అందుకుంది.11 మంది హీరోలతో వచ్చి ప్రేక్షకులను మెప్పించిన రూరల్ కామెడీ డ్రామా కమిటీ కుర్రోళ్లు. మెగా డాటర్ నిహారిక నిర్మించిన తొలి సినిమా ఇది. ఈ సినిమా గురువారం (సెప్టెంబర్ 12) నుంచి ఈటీవీ విన్ ఓటీటీలో స్ట్రీమింగ్ కానుంది.ఇదే విషయాన్ని సదరు ఓటీటీ చెబుతూ.. "ఇంకొన్ని గంటల్లో జాతర మొదలు.. కమిటీ కుర్రోళ్లు ప్రీమియర్ సెప్టెంబర్ 12న కేవలం ఈటీవీ విన్ లోనే" అనే క్యాప్షన్ ఉంచింది. ఈ సందర్భంగా 1 డే టు గో అనే కౌంట్ డౌన్ పోస్టర్ కూడా రిలీజ్ చేసింది.ఈ మూవీ డిజిటల్ హక్కులను తాము దక్కించుకున్న గత నెలలోనే ఈటీవీ విన్ వెల్లడించింది. ఈ నెలలో రాబోతోందని మొదట చెప్పగా.. తర్వాత సెప్టెంబర్ 12 అంటూ స్ట్రీమింగ్ డేట్ కూడా రివీల్ చేసింది.
|
|