యూత్‌ఫుల్ బ్లాక్‌బస్టర్ 'మ్యాడ్'కి సీక్వెల్ గా రూపొందుతోన్న 'మ్యాడ్ స్క్వేర్' నుంచి ఫస్ట్ లుక్ విడుదల
cinema | Suryaa Desk | Published : Wed, Sep 18, 2024, 12:20 PM
తెలుగు సినిమా పరిశ్రమలోయూత్ ఫుల్ కామెడీ ఎంటర్ టైనర్ గా రూపొందిన చిత్రం ‘మ్యాడ్’. జూనియర్ ఎన్టీఆర్ బావ మరిది నార్నె నితిన్, సంగీత్ శోభన్, రామ్ నితిన్ హీరోలుగా దర్శకుడు కల్యాణ్ తెరకెక్కిచిన ఈ సినిమా బాక్సాఫీస్ దగ్గర మంచి సక్సెస్ అందుకుంది. గత ఏడాది అక్టోబర్ 6న ఎలాంటి అంచనాలు లేకుండా ఈ మూవీ ప్రేక్షకుల ముందుకు వచ్చింది. ఊహించని ప్రేక్షకాదరణతో వసూళ్ల పరంగా సత్తా చాటింది. ఈ సినిమాకు సీక్వెల్ ఉంటుందని అప్పట్లోనే చిత్రబృందం వెల్లడించింది. తాజాగా ఈ సినిమాకు సంబంధించి మేకర్స్ క్రేజీ అప్ డేట్ ఇచ్చారు. ఈ సినిమాకి కొనసాగింపుగా రానున్న ‘మ్యాడ్ స్క్వేర్’ ఫస్ట్ లుక్ పోస్టర్‌‌ను చిత్రబృందం విడుదల చేసింది. ఈ చిత్రంలో నార్నె నితిన్, సంగీత్ శోభన్, రామ్ నితిన్ కథానాయకులు. ఈ సినిమాలోని ఫస్ట్ సింగిల్‌ను సెప్టెంబర్ 20వ తేదీన విడుదల చేయనున్నట్లు టీమ్ ఈ ఫస్ట్ లుక్ పోస్టర్‌లో పేర్కొన్నారు.
వాస్తవానికి ‘మ్యాడ్ స్క్వేర్’ సినిమాకు సంబంధించి ఫస్ట్ లుక్ పోస్టర్ తో పాటు ఫస్ట్ సింగిల్ ఇవాళే విడుదల అవుతుందనే ప్రచారం జరిగింది. కానీ, మేకర్స్ కేవలం ఫస్ట్ లుక్ రిలీజ్ చేశారు. ఫస్ట్ సింగిల్ సెప్టెంబర్ 20న విడుదల చేయనున్నట్లు తెలిపారు. ఈ నేపథ్యంలో ఫస్ట్ సింగిల్ కోసం మూవీ లవర్స్ ఎంతగానో ఎదురు చూస్తున్నారు. మరోసారి ‘మ్యాడ్‘ బాయ్స్ ఎంటర్ టైన్ మెంట్ చూసి ఎంజాయ్ చేయాలనుకుంటున్నారు.
|
|