ధనుష్‌ గురించి దుషారా విజయన్‌ ఆసక్తికర వ్యాఖ్యలు
cinema | Suryaa Desk | Published : Mon, Sep 30, 2024, 02:51 PM
'రాయన్‌' తో ఒక్కసారిగా ఫేమ్‌ సొంతం చేసుకున్నారు నటి దుషారా విజయన్‌ . ధనుష్‌ స్వీయ దర్శకత్వంలో తెరకెక్కిన ఈ చిత్రంలో ఆయన సోదరిగా నటించారు.ఆమె నటనతో సినీప్రియుల మనసు గెలుచుకున్నారు. తన తదుపరి చిత్రం 'వేట్టయాన్‌' (Vettaiyan) ప్రమోషన్స్‌లో భాగంగా ఓ ఇంటర్వ్యూలో పాల్గొన్న ఆమె.. ధనుష్‌ గురించి ఆసక్తికర వ్యాఖ్యలు చేశారు. ఆ హీరో అంటే తనకెంతో ఇష్టమని చెప్పారు. ఇండస్ట్రీలోకి అడుగుపెట్టక ముందునుంచే ఆయన్ని అభిమానిస్తున్నానని అన్నారు. అనంతరం ఆమె ధనుష్‌కు రజనీకాంత్‌ అంటే ఎంతో ఇష్టమో చెప్పారు.''రాయన్‌', 'వేట్టయాన్‌' సినిమా షూటింగ్స్‌ ఒకే సమయంలో జరిగాయి. నేను రజనీకాంత్‌ మూవీ (వేట్టయాన్‌)లో యాక్ట్‌ చేస్తున్నానని తెలిసి ధనుష్‌ ఆనందించారు. ఓసారి నా వద్దకు వచ్చి.. 'రజనీకాంత్‌ సర్‌తో కలిసి యాక్ట్‌ చేశావా?' అని అడిగారు. అవునని చెప్పా. ఆయన వెంటనే ఈ విషయంలో నిన్ను చూసి అసూయపడుతున్నా. ఎందుకంటే ఆయనతో నేనింకా స్క్రీన్‌ షేర్‌ చేసుకోలేకపోయా అని చెప్పారు. రజనీకాంత్‌ను ఆయన ఎంతలా ఇష్టపడతారో ఆ రోజు నాకు బాగా అర్థమైంది'' అని దుషారా విజయన్‌ వెల్లడించారు. రజనీకాంత్‌పై తనకు ఉన్న అభిమానాన్ని ధనుష్‌ ఇప్పటికే పలు సందర్భాల్లో తెలియజేశారు. చిన్నతనం నుంచే ఆయన్ని ఆరాధిస్తున్నానని చెప్పారు. ఆయన ఇల్లు చూడటం కోసమే పోయస్‌ గార్డెన్‌కు వెళ్లేవాడినని ఇటీవల 'రాయన్‌' ఈవెంట్‌లో తెలియజేశారు.
'జై భీమ్‌' విజయం తర్వాత టి.జె.జ్ఞానవేల్‌ తెరకెక్కించిన పాన్‌ ఇండియా చిత్రమిది. యాక్షన్‌ డ్రామా మూవీగా ఇది సిద్ధమైంది. ఇందులో రజనీకాంత్‌ ఎన్‌కౌంటర్‌ స్పెషలిస్టుగా కనిపించనున్నారు. లైకా ప్రొడక్షన్స్‌ సంస్థ నిర్మించింది. అమితాబ్‌, ఫహద్‌ ఫాజిల్‌, రానా, మంజు వారియర్‌, రితికా సింగ్‌, దుషారా విజయన్‌ కీలకపాత్రలు పోషించారు. అనిరుధ్‌ స్వరాలు అందించారు. అక్టోబర్‌ 10న ఇది సినీప్రియుల ముందుకురానుంది.
|
|