'గేమ్ ఛేంజర్' మూడవ సింగల్ విడుదల గురించిన లేటెస్ట్ అప్డేట్
cinema | Suryaa Desk | Published : Fri, Oct 04, 2024, 04:03 PM
శంకర్ షణ్ముగం దర్శకత్వంలో మెగా పవర్‌స్టార్ రామ్ చరణ్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి గేమ్ ఛేంజర్ అనే టైటిల్ ని లాక్ చేసారు. ఈ చిత్రం తెలుగు, తమిళం మరియు హిందీలో డిసెంబర్ 20, 2024న విడుదల కానుంది. ఇటీవలే మూవీ మేకర్స్ విడుదల చేసిన సాంగ్స్ కి భారీ రెస్పాన్స్ లభించింది. లేటెస్ట్ రిపోర్ట్స్ ప్రకారం, అత్యంత ప్రతిష్టాత్మకమైన ఈ యాక్షన్ డ్రామా నుండి థర్డ్ సింగిల్ ని అక్టోబర్ లో విడుదల చేయటానికి మూవీ మేకర్స్ ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. రానున్న రోజులలో చిత్ర బృందం సాంగ్ రిలీజ్ డేట్ ని అధికారికంగా ప్రకటించనుంది. త్వరలోనే సినిమా విడుదల తేదీని ప్రకటించే అవకాశం ఉంది. ఈ పొలిటికల్ థ్రిల్లర్‌లో బాలీవుడ్ నటి కియారా అద్వానీ కథానాయికగా నటించింది. తెలుగు, తమిళం, హిందీ భాషల్లో విడుదల కానున్న ఈ చిత్రంలో అంజలి, శ్రీకాంత్, ఎస్‌జె సూర్య, నవీన్ చంద్ర మరియు మరికొంతమంది కీలక పాత్రల్లో నటిస్తున్నారు. శ్రీ వెంకటేశ్వర క్రియేషన్స్ పతాకంపై ప్రముఖ నిర్మాత దిల్ రాజు నిర్మించిన ఈ చిత్రానికి థమన్ సంగీతం అందిస్తున్నారు.
|
|