డైరెక్టర్ ఫణీంద్ర నర్సెట్టి కి పుట్టినరోజు శుభాకాంక్షలు తెలియజేసిన '8 వసంతాలు' టీమ్
cinema | Suryaa Desk | Published : Tue, Nov 05, 2024, 03:48 PM
ప్రఖ్యాత పాన్ ఇండియా నిర్మాణ సంస్థ మైత్రీ మూవీ మేకర్స్ '8 వసంతాలు' అనే కంటెంట్-ఆధారిత చిత్రాన్ని ప్రకటించిన సంగతి అందరికి తెలిసిందే. ఈ సినిమాకి ఫణీంద్ర నర్సెట్టి దర్శకత్వం వహిస్తున్నారు. తొలి చిత్రం మను విమర్శకుల ప్రశంసలు మరియు అంతర్జాతీయ అవార్డులను అందుకుంది. ఈ చిత్రంలో మ్యాడ్ ఫేమ్ అనంతిక సనీల్ కుమార్ శుద్ధి అయోధ్య అనే మార్షల్ ఆర్ట్స్ నిపుణురాలిగా నటించింది. ఇటీవల విడుదలైన క్యారెక్టర్ టీజర్ సినిమా పై భారీ బజ్ ని క్రియేట్ చేసింది. తాజాగా మూవీ మేకర్స్ ఈ సినిమా డైరెక్టర్ ఫణీంద్ర నర్సెట్టి కి పుట్టినరోజు శుభాకాంక్షలు తెలియజేస్తూ స్పెషల్ పోస్టర్ ని విడుదల చేసారు. మైత్రీ మూవీ మేకర్స్ పతాకంపై నవీన్ యెర్నేని మరియు వై రవిశంకర్ నిర్మించిన ఈ సినిమా నిర్మాణ విలువలు జానర్ ప్రమాణాలకు అనుగుణంగా ఉన్నాయి. షూటింగ్ పూర్తవుతున్న కొద్దీ, మేకర్స్ రెగ్యులర్ అప్‌డేట్‌లను విడుదల చేస్తారు. ప్రతిభావంతులైన సాంకేతిక సిబ్బందిలో అరవింద్ మూలే ప్రొడక్షన్ డిజైనర్‌గా, శశాంక్ మాలి ఎడిటర్‌గా మరియు బాబాసాయి కుమార్ మామిడిపల్లి ఎగ్జిక్యూటివ్ ప్రొడ్యూసర్‌గా ఉన్నారు. యాక్షన్ కొరియోగ్రఫీని వింగ్ చున్ అంజి నిర్వహిస్తున్నారు.
|
|