ఆ లోగో పై ఉన్న‌ది ఎవ‌రంటే...

  55 వ‌సంతాలుగా వ‌రు సినిమాలు తీస్తున్న సురేష్ ప్రొడ‌క్ష‌న్స్‌ది నిజంగా తెలుగు సినిమా చరిత్రలో  ప్రత్యేక అధ్యాయం అనేచెప్పాలి. విజ‌యాలు అప‌జ‌యాల‌న్న తేడా లేకుండా  త‌న సుదీర్ఘ ప్రస్థానంలో వ‌రుస   సినిమాలు నిర్మిస్తోంది. అది చిన్న‌దా... పెద్ద‌దా అని ప‌ట్టించుకోకుండా సినీ నిర్మ‌ణం జ‌రుపుతున్న   సురేష్ ప్రొడక్షన్స్ సంస్థ  లోగో  సైతంప్రేక్షకుల ను ధియేట‌ర్ల‌కు ర‌ప్పించ‌డంలో ముందే ఉంటుంది. మాంచి క్రెడిబిలిటీ ఉన్న సంస్థ గా భార‌తీయ చ‌ల‌న చిత్ర ప‌రిశ్ర‌మ‌లో పేరున్న  ఈ బేనర్‌కు లోగో వెనుక  ఉన్న ఆసక్తికర కథ ను ఇటీవ‌ల ఓ ఇంట‌ర్వులో ప్ర‌స్తుత అధినేత‌ నిర్మాత సురేష్ బాబు  చెప్పుకొచ్చారు.

‘సురేష్‌ ప్రొడక్షన్స్‌ బేనర్ లోగోలో కనిపించే ఇద్దరు పిల్లలు సురేష్‌, వెంక‌టేష్‌లే. ఇదే విష‌యం ఆయ‌న చెపుతూ  మా చిన్న‌ప్పుడు నేను, వెంకటేష్‌ స్కూలుకి రెడీ అవుతుంటే, నాన్న పిలిచి,  త‌ను త‌యారు చేయించిన లోగో  మీద నిల‌బ‌డాల‌ని చెప్పార‌ట‌. దీంతో అక్కడ ఎస్, పి అక్షరాలతో తయారు చేసిన బొమ్మల మీద నిలబడ్డాం... దానినే ఫోటోలు తీయించి సినిమా లోగోగా మార్చార‌ని  చెప్పారు. అయితే ఈ ఘ‌ట‌న జ‌రిగి ఏళ్లు గ‌డిచినా, యాదృచ్ఛికంగా ‘ఎస్‌’పై వెంకటేష్‌ నిలబడి  స్టార్‌ అయితే,  ‘పి’పై నేను నిలబడి   ప్రొడ్యూసర్‌ అయ్యా అంటూ న‌వ్వుతూ చెప్పుకొచ్చారు.

నిజానికి త‌న‌కు  సినిమాల మీద ఆసక్తి లేద‌ని, త‌న తండ్రి రామానాయుడు   నిర్మించే  సినిమాల  రోజువారీ కలెక్షన్ల వివ‌రాలు చెపుతుంటే  నోట్ బుక్‌లో రాసుకుని చ‌ద‌వులో నిమ‌గ్న‌మ‌య్యేవాడిని.  కాస్త పెద్ద‌య్యాక నాన్న ప్రొడ‌క్ష‌న్ ప‌నుల‌లో జ‌రిగే జాప్యాలు నివారించేందున్న దానిని కొంత చూడ‌మ‌న్నారు.  ప్రొడక్షన్లో  అన్నిర‌కాల‌ పనులపై అవ‌గాహ‌న రావ‌టంతో  తెలియకుండానే నిర్మాణ రంగంవైపు అడుగులు వేయాల్సి వ‌చ్చింద‌ని, . చివరికి నిర్మాతగా  మారి పోయినా,   సినిమా గురించి నేను తెలుసుకోవాల్సిన అంశాలు చాలానే ఉన్నయి. ఆదిశ‌గానే అడుగుల వేస్తున్నాన‌ని సురేష్ బాబు చెప్పారు. నూత‌న‌త్వాన్ని ప్రోత్స‌హించ‌డంలో త‌మ సంస్ధ ఎప్పుడూ ముందు ఉంటుంద‌ని, ఈ క్ర‌మంలోనే గ‌ల కొంత కాలంగా నూత‌న ద‌ర్శ‌కుల‌తో, క‌ళాకారుల‌తో స‌రికొత్త నేప‌థ్యంతో సినిమాలు చేస్తున్న‌ట్టు తెలిపారాయ‌న‌.