'తాండల్' నుండి బుజ్జి తల్లి సాంగ్ విడుదలకి టైమ్ లాక్
cinema | Suryaa Desk | Published : Wed, Nov 20, 2024, 02:50 PM
చందూ మొండేటి దర్శకత్వంలో టాలీవుడ్ యువ సామ్రాట్ నాగ చైతన్య తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'తాండల్' అనే టైటిల్ ని లాక్ చేసారు. ఈ పాన్ ఇండియన్ యాక్షన్ డ్రామా చైతన్య కెరీర్‌లోనే అత్యంత భారీ వ్యయంతో కూడుకున్న ప్రాజెక్ట్. ఈ సినిమా ఫిబ్రవరి 7, 2025న విడుదల కానుంది. ఈ సినిమాలోని ఫస్ట్ సింగల్ ని బుజ్జి తల్లి అనే టైటిల్ తో నవంబర్ 21న విడుదల కానుంది. తాజాగా మూవీ మేకర్స్ ఈ సాంగ్ ని రేపు మధ్యాహ్నం 4:05 గంటలకి విడుదల చేయనున్నట్లు ప్రకటించారు. దేవి శ్రీ ప్రసాద్ కంపోస్ చేసిన ఈ సాంగ్ కి జావేద్ అలీ తన గాత్రాన్ని అందించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో సాయి పల్లవి కథనాయికగా నటిస్తుంది. గత హిట్‌లలోని వారి కెమిస్ట్రీని గుర్తుచేసుకున్న అభిమానులు, ఆ మ్యాజిక్‌ను పునరావృతం చేస్తారని ఆశిస్తున్నారు. ప్రస్తుతం ఈ చిత్రం నిర్మాణంలో ఉంది. ఈ సినిమాలో ప్రియదర్శి, దివ్య పిళై కీలక పాత్రలలో నటిస్తున్నారు. "తాండేల్" దాని ఆకట్టుకునే కథాంశంతో మరియు దేవిశ్రీ ప్రసాద్ సంగీతంతో భారీ అంచనాలని కలిగి ఉంది. GA2 పిక్చర్స్ క్రింద బన్నీ వాస్ ఈ చిత్రాన్ని నిర్మించారు. ప్రముఖ నిర్మాత అల్లు అరవింద్ ఈ సినిమాని సమర్పిస్తున్నారు.
|
|