ట్రెండింగ్
విజయనిర్మల గురించి ఎంత చెప్పినా తక్కువే! జమున
cinema | Suryaa Desk | Published : Thu, Jun 27, 2019, 09:06 PM
ప్రముఖనటి, నిర్మాత, దర్శకురాలు.. సూపర్ స్టార్ కృష్ణ సతీమణి విజయనిర్మల గురించి ఎంత చెప్పినా తక్కువేనని సహ నటి జమున అన్నారు. విజయనిర్మల పార్ధివ దేహాన్ని నానాక్రామ్గూడాలోని స్వగృహంలో ఉంచారు. ఆమె భౌతికకాయానికి జమున నివాళుర్పించారు. ఈ సందర్భంగా మాట్లాడుతూ చాలా సినిమాల్లో కలిసి నటించామని చెప్పారు. విజయనిర్మల తనకంటే జూనియర్ అయినా.. అనేక చిత్రాల్లో కలిసి నటించామన్నారు. విజయనిర్మల ఒక నటి మాత్రమే కాదని, డైనమిక్ దర్శకురాలని జమున కొనియాడారు. కృష్ణను ప్రేమించి వివాహం చేసుకున్నారని, కష్ణకు అన్ని విధాలా చేదోడుగా ఉంటూ, సేవలు చేస్తూ ప్రేమమూర్తిగా పేరు తెచ్చుకున్నారని అన్నారు. ఆమె ఆత్మకు శాంతి కలగాలని దేవుడిని కోరుకుంటున్నట్లు జమున చెప్పారు.
|
|