ఈ నెల 7న విడుదల కానున్న ‘ఒక పథకం ప్రకారం’
cinema | Suryaa Desk | Published : Tue, Feb 04, 2025, 03:56 PM
సాయిరామ్ శంకర్ కథానాయకుడిగా నటించిన చిత్రం ‘ఒక పథకం ప్రకారం’. వినోద్కుమార్ విజయన్ దర్శకత్వంలో గార్లపాటి రమేశ్ నిర్మించారు. ఈ నెల 7న సినిమా విడుదలవుతోంది. ఈ సందర్భంగా దర్శకుడు వినోద్ మీడియాతో ముచ్చటించారు. ‘‘ఇది ఒక స్ర్కీన్ప్లే బేస్డ్ చిత్రం. చాలా నిజాయితీతో ఈ కథను తెరకెక్కించాం. ఇందులో వాణిజ్యాంశాలతో పాటు సందేశం కూడా ఉంటుంది. థియేటర్ల నుంచి బయటకు వెళ్లాక కూడా ప్రేక్షకులను వెంటాడే చిత్రమిది. సినిమా ప్రారంభం నుంచి ముగింపు వరకు ఉత్కంఠనిస్తుంది. తెలుగు ప్రేక్షకులకు సరికొత్త అనుభూతిని అందిస్తుంది. ఇందులో సాయిరామ్ శంకర్ విభిన్నంగా కనిపిస్తాడు. ఆయన పాత్రలో చాలా షేడ్స్ ఉంటాయి. సముద్రఖని, శృతి సోధి, ఆషిమా నర్వాల్ పోషించిన పాత్రలు ఆకట్టుకుంటాయి.సంగీతం, విజువల్స్ ఈ చిత్రానికి ప్రధానాకర్షణగా నిలుస్తాయి. నిర్మాత ఎక్కడా రాజీపడకుండా సినిమాను నిర్మించారు. ఒక్క క్షణం కూడా బోర్ కొట్టదు. ఈ ప్రయోగాత్మక చిత్రం ప్రేక్షకులకు విపరీతంగా నచ్చుతుంది. ఈ సీట్ ఎడ్జ్ సస్పెన్స్ థ్రిల్లర్ కచ్చితంగా విజయవంతమవుతుందనే నమ్మకం ఉంది’’ అని చెప్పారు.
|
|