బిజినెస్ రంగంలోకి కంగనా రనౌత్
cinema | Suryaa Desk | Published : Wed, Feb 05, 2025, 04:06 PM
బాలీవుడ్ నటి, ఎంపీ కంగనా రనౌత్ వ్యాపారరంగంలోకి అడుగుపెట్టారు. ఫుడ్ బిజినెస్ మొదలుపెడుతున్నానని తెలియజేస్తూ తాజాగా ఆమె ఇన్స్టా వేదికగా పోస్ట్ పెట్టారు.'ది మౌంటైన్ స్టోరీ' పేరుతో హిమాలయాల్లో కేఫ్ ఏర్పాటుచేశారు. ఫిబ్రవరి 14 నుంచి ఇది ప్రారంభం కానుంది. ఈమేరకు రెస్టారంట్ ఫొటోలను నెటిజన్లతో పంచుకున్నారు. సంప్రదాయ హిమాచల్ ఫుడ్ను మోడ్రన్ అభిరుచులకు అనుగుణంగా అందించడమే లక్ష్యంగా దీనిని ఏర్పాటుచేశానని తెలిపారు.'నా చిన్ననాటి కల ఎట్టకేలకు ప్రాణం పోసుకుంది. హిమాలయాల ఒడిలో నా చిన్న కేఫ్. ది మౌంటెన్ స్టోరీ.. ఇదొక ప్రేమకథ'' అని ఆమె పేర్కొన్నారు. ఫుడ్ బిజినెస్లో ఇప్పటికే పలువురు తారలు రాణిస్తున్నారు. శిల్పాశెట్టి, మలైకా అరోరా, మౌనీరాయ్, రకుల్ ప్రీత్ సింగ్ వంటి తారలకు రెస్టారంట్లు ఉన్నాయి.వర్క్ లైఫ్ విషయానికి వస్తే.. కంగనారనౌత్ నటించిన 'ఎమర్జెన్సీ' ఇటీవల విడుదలైంది. మాజీ ప్రధాని ఇందిరాగాంధీ రాజకీయ జీవితాన్ని ఆధారం చేసుకొని ఈ సినిమా రూపుదిద్దుకుంది. ఇందిరాగాంధీగా కంగనా, జయప్రకాశ్ నారాయణ్ పాత్రలో అనుపమ్ ఖేర్, అటల్ బిహారీ వాజ్పేయీగా శ్రేయాస్ తల్పడే నటించారు. ఎన్నో ఇబ్బందులు ఎదుర్కొని జనవరి 17న విడుదలైన ఈ చిత్రం బాక్సాఫీస్ వద్ద మిశ్రమ స్పందనలకు పరిమితమైంది. ప్రస్తుతం ఆమె మాధవన్తో సినిమా చేస్తున్నారు. ఇటీవల ఈ సినిమా చిత్రీకరణ మొదలైంది. ఆ విషయాన్ని తెలియజేస్తూ సోషల్మీడియాలో పోస్ట్ పెట్టారు.
|
|