బాలీవుడ్ కొరియోగ్రాఫర్పై కేసు నమోదు
cinema | Suryaa Desk | Published : Sat, Feb 22, 2025, 12:59 PM
బాలీవుడ్ కొరియోగ్రాఫర్ ఫరా ఖాన్పై తాజాగా కేసు నమోదైంది. హిందువుల పవిత్ర పండగైన హోలీ గురించి అనుచిత వ్యాఖ్యలు చేసిన నేపథ్యంలో వికాశ్ ఫటక్ అనే వ్యక్తి క్రిమినల్ కేసులు నమోదు చేశారు. అయితే ఫిబ్రవరి 20న టెవిజన్ షో సెలబ్రిటీ మాస్టర్ చెఫ్లో హోలీని ‘ఛప్రీల పండుగ’గా ఫరా ఖాన్ వ్యాఖ్యానించింది. ఈ వ్యాఖ్యలు హిందువుల భావాలను అవమానించేలా ఉన్నాయని ఆయన కేసు నమోదు చేశారు. దీని అర్థం హోలీ అనేది చాఫ్రీ(Chhapri) అనే ప్రజలకు ఇష్టమైన పండుగ. చాఫ్రీ అనే పదం ఇండియాలో అవమానకరంగా లేదా తక్కువస్థాయి వ్యక్తులను సూచించే పదంగా వాడుతుంటారు. దీంతో ఫరా ఖాన్ చేసిన వ్యాఖ్యలపై ఆమెపై విమర్శలు గుప్పిస్తున్నారు నెటిజన్లు. హోలీ వంటి హిందూ పండుగను ఫరా అవమానించారని, ఆమె వ్యాఖ్యలు మతపరమైన సెంటిమెంట్స్ను గాయపరిచాయని నెటిజన్లు ఆరోపిస్తున్నారు. ఈ ఘటన సోషల్ మీడియాలో కూడా తీవ్ర చర్చనీయాంశంగా మారింది, #FarahKhan, #HoliControversy వంటి హ్యాష్ట్యాగ్లు ట్రెండ్ అవుతున్నాయి.మరోవైపు ఫరా వ్యాఖ్యలు ఒక వర్గాన్ని తక్కువ చేసేలా ఉన్నాయని పేర్కొంటూ వికాశ్ అనే వ్యక్తి ముంబయిలోని ఖర్ పోలీస్ స్టేషన్లో ఫిర్యాదు చేశాడు. ఆమె వ్యాఖ్యలు తన మతపరమైన భావాలను గాయపరిచాయని, హిందూ సమాజాన్ని కూడా అవమానించాయని వికాస్ ఫిర్యాదులో పేర్కొన్నారు. దీంతో ఈ ఫరాపై కేసు నమోదు అయ్యింది. ఇదిలావుంటే ఈ వివాదంపై ఫరా ఖాన్ ఇంకా స్పందించలేదు.
|
|