ఈ నెల 14న ఓటీటీలో '2k లవ్ స్టోరీ'
cinema | Suryaa Desk | Published : Wed, Mar 12, 2025, 12:10 PM
యూత్ ఎప్పుడూ కూడా లవ్ స్టోరీస్ కోసం ఎక్కువగా వెయిట్ చేస్తూ ఉంటుంది. అందుకు తగినట్టుగా లవ్ స్టోరీస్ ఎక్కువగా తెరపైకి వస్తుంటాయి. ఇక 'వాలెంటైన్స్ డే' సందర్భంగా వదలడానికి కొన్ని లవ్ స్టోరీస్ ఎప్పుడూ సిద్ధంగానే ఉంటాయి. అలా ఈ సారి ఫిబ్రవరి 14వ తేదీన తమిళంలో '2k లవ్ స్టోరీ' విడుదలైంది. జగ్ వీర్ - మీనాక్షి గోవిందరాజన్ ప్రధానమైన పాత్రలను పోషించిన ఈ సినిమా కోసం కుర్రకారంతా చాలా కుతూహలంతో ఎదురుచూసింది. అయితే రిలీజ్ తరువాత ఈ సినిమా గురించి ఎవరూ పెద్దగా మాట్లాడుకోలేదు. సుశీంద్రన్ దర్శకత్వం వహించిన ఈ సినిమా ఇప్పుడు ఓటీటీ ఫ్లాట్ ఫ్లామ్స్ నుంచి పలకరించనుంది. ఈ నెల 14వ తేదీ నుంచి అమెజాన్ ప్రైమ్ లోను .. 'ఆహా' తమిళ్ లోను ఈ సినిమా స్ట్రీమింగ్ కానుంది. ఈ కాలం స్నేహాలు ఎలా ఉన్నాయి? ప్రేమలు .. ఇతర రిలేషన్స్ ఎలా ఉన్నాయి? అనే అంశాల చుట్టూ తిరిగే కథ ఇది. థియేటర్ల నుంచి పెద్దగా వసూళ్లను రాబట్టలేకపోయిన ఈ సినిమా, ఓటీటీ వైవు నుంచి ఎలాంటి రెస్పాన్స్ ను రాబట్టుకుంటుందనేది చూడాలి మరి.
|
|