'రెట్రో' నుండి కానిమ్మా సాంగ్ ప్రోమో రిలీజ్
cinema | Suryaa Desk | Published : Thu, Mar 20, 2025, 06:57 PM
కోలీవుడ్ స్టార్ హీరో సూర్య నటించిన రెట్రో: లవ్ లాటర్ వార్ ఈ సంవత్సరంలో అత్యంత ఉహించిన చిత్రాలలో ఒకటి. ఈ చిత్రం మే 1వ తేదీన ప్రపంచవ్యాప్తంగా గొప్ప విడుదల కోసం సన్నద్ధమవుతోంది. కార్తీక్ సుబ్బరాజు దర్శకత్వం వహించిన ఈ చిత్రం సూర్య 44 అని కూడా పిలుస్తారు. ఇది చాలా సంచలనం సృష్టిస్తోంది. పూజా హెగ్డే ఈ చిత్రంలో హీరోయిన్ పాత్రలో నటిస్తుండగా, పాపులర్ మలయాళ నటుడు జోజు జార్జ్ కీలక పాత్ర పోషిస్తున్నారు. సంతోష్ నారాయణన్ ఈ సినిమా కోసం సంగీత మరియు నేపథ్య స్కోరును అందిస్తున్నారు. తాజాగా ఇప్పుడు మేకర్స్, ఈ సినిమాలోని సెకండ్ సింగల్ ప్రోమోని కానిమ్మా అనే టైటిల్ తో విడుదల చేసారు. ఫుల్ సాంగ్ ని మార్చి 21న సాయంత్రం 5 గంటలకి విడుదల చేయనున్నట్లు ప్రకటించారు. ఈ సినిమాలో నటి శ్రియా శరణ్ ప్రత్యేక పాటలో కనిపించనున్నారు. సాంకేతిక సిబ్బంది కెమెరాను శ్రేయాస్ కృష్ణ మరియు ఎడిటింగ్ షఫీక్ మహమ్మద్ అలీ హ్యాండిల్ చేస్తున్నారు. ప్రొడక్షన్ డిజైన్ టీమ్కు జాకీ నేతృత్వం వహిస్తున్నారు. ఈ చిత్రం ఇంటెన్స్ మరియు మాస్ యాక్షన్ ఎంటర్టైనర్గా ఉంటుందని హామీ ఇచ్చారు. ఈ చిత్రాన్ని స్టోన్ బెంచ్ ఫిలిమ్స్ మరియు 2D ఎంటర్టైన్మెంట్స్ సంయుక్తంగా నిర్మిస్తున్నాయి.
|
|