మంచు విష్ణు బోల్డ్ స్టేట్‌మెంట్‌

కలెక్షన్‌ కింగ్‌, విలక్షణ నటుడు మోహన్‌ బాబు వారసుడిగా ఇండస్ట్రీలోకి వచ్చాడు మంచు విష్ణు. హీరోగా రాణిస్తున్నాడు. మంచు ఫ్యామిలీకి ఆయనే లీడింగ్‌ సన్‌ అని చెప్పాలి. అయితే మంచు విష్ణు పిల్లల విషయంలో చర్చల్లో నిలుస్తున్నారు. ఒకప్పుడు కుటుంబ నియంత్రణ లేదు,దాన్ని ఎలా పాటించాలో ప్రజల్లో అవగాహన లేదు. దీంతో ఒక్కో కుటుంబం ఐదు నుంచి పది మంది పిల్లలను కనేవారు. కానీ ఇప్పుడు వైద్యం అందుబాటులో ఉంది. దానిపై అవగాహన వచ్చింది. దీంతో చాలా మంది కుటుంబ నియంత్రణ పాటిస్తున్నారు. ఇద్దరు ముగ్గురికే పరిమితమవుతున్నారు. కానీ మంచు విష్ణు అలాంటి నియమాలు పాటించడం లేదు. ఆయన ఇప్పటికే నలుగురుపిల్లల్ని కన్నారు. విష్ణు, విరానిక జంటకి మొదట కవలలు అరియానా, వివియానా జన్మించారు. ఆ తర్వాత  కొడుకు అవ్‌రమ్ జన్మించాడు. చివరగా కూతురు ఐరా విద్యా పుట్టింది.  ఇంకా కనాలని ఉందని అంటున్నారు. తనకు పిల్లలంటే చాలా ఇష్టమట.ఇంకా కనాలని ఉందని తెలిపారు. తాజాగా ఆయన అంజి టాక్స్ లో మాట్లాడుతూ ఈ విషయాలను వెల్లడించారు. యాంకర్‌ అంజి ఏంటి మీకు కుటుంబ నియంత్రణ అనేది వర్తించదా? దాన్ని పాటించరా అని ప్రశ్నించగా, అది వ్యక్తిగతం. ఎవరి ఇష్టం వాళ్లది అని చెప్పాడు మంచు విష్ణు. అంతటితో ఆగలేదు. మరో క్రేజీ విషయాన్ని బయటపెట్టాడు. తనకు పిల్లలంటే చాలా ఇష్టం. చిన్న పిల్లలతో ఆడుకోవాలని అనిపిస్తుంది. అందుకే నలుగురు పిల్లల్ని కన్నాను. ఇంకా చెప్పాలంటే ఇంకా పిల్లల్ని కనాలని ఉందని చెప్పాడు విష్ణు.అయితే ఇదే విషయాన్ని ఆయన తన భార్యని అడిగాడట. వామ్మో దెబ్బకి ఆమె బయపడిపోయి క్రేజీ ఆన్సర్‌ ఇచ్చిందట. అయితే వేరే అమ్మాయిని చూసుకో నా వల్ల కాదని చెప్పిందట. చాలా ఫన్నీ వేలో మంచు విష్ణు ఈ విషయాన్ని తెలిపారు. కానీ విషయం ఇప్పుడు వైరల్‌ అవుతుంది.