ప్రేక్షకులతో సినిమాని వీక్షించనున్న 'హిట్ 3' బృందం
cinema | Suryaa Desk | Published : Fri, May 02, 2025, 08:31 PM
నేచురల్ స్టార్ నాని ప్రధాన పాత్రలో నటించిన క్రైమ్ థ్రిల్లర్ 'హిట్ 3' తో ప్రేక్షకులని అలరిస్తున్నారు. ఈ పాన్ ఇండియా చిత్రం మే 1న గ్రాండ్ గా విడుదల అయ్యి సాలిడ్ రెస్పాన్స్ ని అందుకుంటుంది. హిట్ ఫిల్మ్ యొక్క సీక్వెల్ అయ్యిన ఈ చిత్రానికి సైలేష్ కోలాను దర్శకత్వం వహించారు. ఈ చిత్రంలో నాని నటనని అందరూ ప్రశంసిస్తున్నారు. తాజాగా చిత్ర బృందం ఈ సినిమా డైరెక్టర్ శైలేష్ ప్రేక్షకులతో కలిసి సినిమాని వీక్షించనున్నట్లు ప్రకటించారు. గోకుల్ థియేటర్ లో 6:30 షో, అపర్ణ సినిమాస్ 7:40 షో మరియు AMB సినిమాస్ లో 10:40 షోని వీక్షించనున్నట్లు చిత్ర బృందం వెల్లడించింది. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రం హిట్ ఫ్రాంచైజీలో మూడవ విడతను సూచిస్తుంది మరియు శ్రీనిధి శెట్టి ప్రధాన పాత్రలో నటిస్తుంది. ఈ సినిమాలో రావు రమేష్, కోమలీ ప్రసాద్, సూర్య శ్రీనివాస్ మరియు ఇతరులు కీలక పాత్రల్లో నటించారు. ఈ యాక్షన్ థ్రిల్లర్ కి మిక్కీ జె మేయర్ సంగీతం అందిస్తున్నారు. వాల్ పోస్టర్ సినిమా మరియు యూనానిమ్స్ ప్రొడక్షన్స్ కింద ప్రశాంతి టిపిర్నేని మరియు నాని ఈ చిత్రాన్ని నిర్మించారు.
|
|