50 ఏళ్లుగా హీరోగా ప్రపంచంలో ఎవరూ లేరు.. నేను తప్ప: బాలయ్య
cinema | Suryaa Desk | Published : Mon, May 05, 2025, 02:56 PM
‘50 ఏళ్లు కథానాయకుడిగా కొనసాగిన వ్యక్తి ప్రపంచంలో మరొకరు లేరు. నేను తప్ప. నాకు అంతగా శక్తినిచ్చిన తెలుగుజాతికి కృతజ్ఞతలు తెలియజేస్తున్నా’ అని బాలయ్య అన్నారు. ఇటీవల ఆయన పద్మభూషణ్ అవార్డు అందుకున్న సందర్భంగా ఆయనకు హిందూపురంలో సన్మాన కార్యక్రమం నిర్వహించారు. బాలకృష్ణ మాట్లాడుతూ ‘పద్మభూషణ్ మీకు చాలా ఆలస్యంగా ఇచ్చారని చాలామంది అన్నారు. కాదు సరైన సమయంలోనే ఇచ్చారని చెప్పా’ అని అన్నారు.ఏం చూసుకుని బాలకృష్ణకు అంత పొగరు అంటారు. నన్ను చూసుకునే నాకు అంత పొగరు. ఎవరిని చూసి అంత ధైర్యం అంటుంటారు నన్ను చూసి. నా నిజస్వరూపం నాకు అంత ధైర్యం. నాకు అన్నీ తెలుసా అంటారు. నన్ను నేను తెలుసుకునే కంటే పెద్ద విద్య లేదని ఒక సవాల్ గా నిలబడతాను. నా మాట ముక్కు సూటిగా ఉంటుంది. నా తీరు గాంభీర్యంగా ఉంటుంది. మీరు నన్ను ఒక నటుడిగానే కాదు.. నాలో ఉన్న మానవత్వం, వ్యక్తిత్వం, నీతి, నిజాయితీ, నిబద్దత, నిష్కల్మషం చూసి ఇకపై కూడా నా అభిమానులు పుడుతూనే ఉంటారు.
|
|