నేడు ప్రారంభమైన 'OG' షూటింగ్
cinema | Suryaa Desk | Published : Mon, May 12, 2025, 07:27 PM
టాలీవుడ్ పవర్ స్టార్ పవన్ కళ్యాణ్ తన తదుపరి సినిమాని టాలెంటెడ్ సుజీత్ దర్శకత్వంలో చేస్తునట్లు ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'OG' అనే టైటిల్ ని లాక్ చేసారు. మొదట్లో, షూటింగ్ శరవేగంగా సాగింది అభిమానులు ఆసక్తిగా బ్యాక్-టు-బ్యాక్ అప్డేట్లను అందిస్తూ వారి అంచనాలను మూవీ మేకర్స్ మరింత పెంచారు. అయితే AP ఎన్నికల తర్వాత పవన్ కళ్యాణ్ రాజకీయాల్లోకి రావడంతో సినిమా షెడ్యూల్కు బ్రేక్ పడింది. కేవలం ఒక నెల షూటింగ్ అసంపూర్తిగా మిగిలిపోయింది. అయితే ఇప్పుడు ఈ సినిమా కోసం ఎదురుచూస్తున్న అభిమానులను సంతోషపెట్టే అప్డేట్ ని మేకర్స్ వెల్లడించారు. ఈరోజు షూట్ తిరిగి ప్రారంభమైందని చిత్ర బృందం ప్రకటించింది. ఈ షెడ్యూల్ లో పవన్ కళ్యాణ్ జాయిన్ కానున్నారు. ఈ చిత్రంలో ప్రియాంక అరుల్ మోహన్ మహిళా ప్రధాన పాత్రలో నటిస్తున్నారు. ఈ చిత్రంలో బాలీవుడ్ నటుడు ఇమ్రాన్ హష్మీ, ప్రకాష్ రాజ్, శ్రీయా రెడ్డి, అర్జున్ దాస్, షామ్ మరియు హరీష్ ఉత్తమన్ కీలక పాత్రలో నటిస్తున్నారు. డివివి ఎంటర్టైన్మెంట్ పతాకంపై డివివి దానయ్య ఈ చిత్రాన్ని నిర్మిస్తున్నారు. ఈ పీరియాడికల్ గ్యాంగ్స్టర్ చిత్రానికి థమన్ సంగీతాన్ని అందిస్తున్నారు.
|
|