స్టార్‌ మాలో సండే స్పెషల్ మూవీస్

ధమాకా: టాలీవుడ్ మాస్ మహారాజ్ రవితేజ నటించిన 'ధమాకా' సినిమా బాక్సాఫీస్ వద్ద సంచలన బ్లాక్ బస్టర్ గా నిలిచింది. త్రినాథరావు నక్కిన దర్శకత్వం వహించిన ఈ చిత్రంలో శ్రీలీల కథానాయికగా నటించింది. తాజా వార్త ఏమిటంటే, ఈ సినిమా వరల్డ్ టెలివిజన్ ప్రీమియర్ మే 18న ఉదయం 9 గంటలకు స్టార్ మా ఛానల్ లో ప్రదర్శించబడుతుంది. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టిజి విశ్వప్రసాద్, వివేక్ కూచిభొట్ల ధమాకా చిత్రాన్ని నిర్మించారు. భీమ్స్ సిసిరోలియో ఈ చిత్రానికి స్వరాలు సమకూర్చారు. ఈ సినిమాలో జయరామ్, సచిన్ ఖేడేకర్, రావు రమేష్, తనికెళ్ల భరణి, హైపర్ ఆది కీలక పాత్రలు పోషించారు.

టిల్లు స్క్వేర్: సిద్ధు జొన్నలగడ్డ, అనుపమ పరమేశ్వరన్ ప్రధాన పాత్రల్లో నటించిన 'టిల్లు స్క్వేర్' డీజే టిల్లు చిత్రానికి సీక్వెల్. ఈ చిత్రం బాక్సాఫీస్ వద్ద భారీ విజయాన్ని సాధించింది. మల్లిక్ రామ్ దర్శకత్వం వహించిన ఈ రొమాన్స్ క్రైమ్ మరియు కామెడీ చిత్రం మే 18న మధ్యాహ్నం 3:30 గంటలకి స్టార్ మా ఛానల్ లో ప్రదర్శించబడింది. ఈ చిత్రంలో నేహా శెట్టి మరియు ప్రియాంక జవాల్కర్ అతిధి పాత్రలు పోషించారు. ప్రిన్స్ సెసిల్, నేహా శెట్టి, మురళీధర్ గౌడ్, మురళీ శర్మ తదితరులు ఈ సినిమాలో కీలక పాత్రలు పోషిస్తున్నారు. ఫార్చ్యూన్ ఫోర్ సినిమాస్‌తో కలిసి సితార ఎంటర్‌టైన్‌మెంట్స్ ఈ బ్లాక్‌బస్టర్ చిత్రాన్ని నిర్మించింది. అచ్చు రాజమణి, రామ్ మిరియాల, భీమ్స్ సిసిరోలియో ఈ చిత్రానికి సంగీతం అందించారు.

పుష్ప 2:  టాలీవుడ్ ఐకాన్ స్టార్  అల్లు అర్జున్ నటించిన  మరియు సుకుమార్ దర్శకత్వం వహించిన పుష్ప 2: ది రూల్ బాక్స్ఆఫీస్ వద్ద సెన్సేషన్ ని సృష్టించింది. పుష్ప 2 జనవరి 30, 2025న బహుళ భారతీయ భాషలలో నెట్‌ఫ్లిక్స్‌ లో గొప్ప ప్రవేశం చేసింది. ఈ చిత్రానికి సుకుమార్ దర్శకత్వం వహిస్తున్నారు. ఈ సినిమా యొక్క తెలుగు వెర్షన్ శాటిలైట్ రైట్స్ ని స్టార్ మా సొంతం చేసుకున్న సంగతి అందరికి తెలిసిందే. తాజాగా ఇప్పుడు, ఈ సినిమా మే 18న సాయంతరం 5:00 గంటలకి స్టార్ మా ఛానల్ లో వరల్డ్ టెలివిషన్ ప్రీమియర్ ని ప్రదర్శించనున్నట్లు సమాచారం. ఈ యాక్షన్-ప్యాక్డ్ సీక్వెల్ లో రష్మిక మాండన్న మహిళా ప్రధాన పాత్రలో నటిస్తున్నారు. ఈ పాన్-ఇండియన్ డ్రామాలో బాలీవుడ్ నటుడు ఫహద్ ఫాసిల్ క్రూరమైన విలన్ పాత్రను పోషిస్తాడు, సునీల్, జగపతి బాబు, అనసూయ భరద్వాజ్, జగదీష్, బ్రహ్మాజీ మరియు రావు రమేష్‌ కీలక పాత్రలలో నటిస్తున్నారు. థమన్, సామ్ సిఎస్ మరియు ఇతరుల అదనపు సహకారాలతో దేవి శ్రీ ప్రసాద్ సంగీతం సమకూర్చారు. మైత్రీ మూవీ మేకర్స్ ఈ భారీ ఎంటర్‌టైనర్‌ను నిర్మించింది.