'శంబాల' నుండి రవి వర్మ ఫస్ట్ లుక్ అవుట్
cinema | Suryaa Desk | Published : Tue, May 27, 2025, 08:29 PM
టాలీవుడ్ యువ నటుడు ఆది సాయి కుమార్ ఇటీవలే తన అప్ కమింగ్ ప్రాజెక్ట్ ని యుగంధర్ ముని దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. ఈ చిత్రానికి 'శంభాల' అనే టైటిల్ ని లాక్ చేసారు. ఆది సాయి కుమార్ జియో సైంటిస్ట్ పాత్రలో నటిస్తున్న ఈ చిత్రంలో అర్చన అయ్యర్ కథానాయికగా నటిస్తుంది. తాజాగా ఇప్పుడు మూవీ మేకర్స్ ఈ సినిమాలో కీలక పాత్రలో నటిస్తున్న రవి వర్మ ఫస్ట్ లుక్ ని విడుదల చేసారు. అంతేకాకుండా ఈ చిత్రంలో నటుడు రాములు అనే పాత్రలో నటిస్తున్నట్లు ప్రకటించారు. శంబాలా ఒక ప్రత్యేకమైన టైటిల్ మరియు ఆసక్తికరమైన ఆవరణతో కూడిన సూపర్ నేచురల్ హారర్ థ్రిల్లర్. స్వాసిక, రవివర్మ, మీసాల లక్ష్మణ్, మధు నందన్, శివ కార్తీక్ ఈ చిత్రంలో ముఖ్య పాత్రలు పోషిస్తున్నారు. హన్స్ జిమ్మర్ వంటి ప్రముఖ హాలీవుడ్ కంపోజర్లతో పనిచేసిన శ్రీరామ్ మద్దూరి ఈ చిత్రానికి సంగీతం అందించారు. రాజశేఖర్ అన్నభీమోజు, మహీధర్ రెడ్డి ఈ ప్రాజెక్టును ప్రతిష్ఠాత్మకంగా నిర్మిస్తున్నారు.
|
|